Johnny Depp shfaqet në skenë për koncertin e dytë të Jeff Beck, përpara vendimit të gjyqit

Johnny Depp befasoi publikun me performancën e tij përkrah Jeff Beck në Sheffield City Hall, në Mbretërinë e Bashkuar, të dielën.

Paraqitja e Depp-it në koncert ka lënë gojëhapur shumë njerëz teksa ai pret një vendim në padinë e tij shumëmilionëshe për shpifje me ish-bashkëshorten e tij Amber Heard.

Juria i rikthehet diskutimeve të saj të martën, por gjyqi dukej larg mendjes së Depp-it, teksa ai falënderonte fansat për duartrokitjet e tyre, një ditë pasi ai iu bashkua Beck-ut në Sheffield.

Mes duartrokitjeve të gjata, u dëgjuan edhe fansat duke brohoritur emrin e Depp.

Të pranishmit mbetën të habitur kur e panë atë, Angela Flannery, që i tha agjencisë së lajmeve “PA”: “Isha shumë i tronditur”.

Ajo shtoi: “Unë kam qenë gjithmonë një fanse e tij e madhe. Gjysma ime tjetër më çoi në këtë koncert vetëm për të parë Jeff Beck, nuk e kisha idenë se Johnny do të luante. Ishte brilante, një natë kaq fantastike në përgjithësi”.

Depp u ngjit në skenë edhe një herë të hënën, duke nxitur anëtarët e audiencës të postojnë video të tij duke kënduar në rrjetet sociale.

Gjatë shfaqjes, Depp dhe Beck kënduan këngën e tyre të vitit 2020 Isolation, një ribërje e hitit të John Lennon të vitit 1970.

Aktori i Edward Scissorhands, i cili është gjithashtu pjesë e grupit “Hollywood Vampires” me Alice Cooper dhe Joe Perry, performoi disa këngë të tjera, ku ai dhe Beck u bashkuan me “What’s Going On” të Marvin Gay dhe Little Wing të Jimi Hendrix.

Rikujtojmë se aktori i “Pirates of the Caribbean” po padit ish-partneren e tij për një artikull të vitit 2018 që ajo shkroi në Washington Post, me titull: “unë fola kundër dhunës seksuale – dhe u përballa me zemërimin e kulturës sonë. Kjo duhet të ndryshojë”.

Artikulli nuk e përmend Depp me emër, por avokatët e tij thonë se ai në mënyrë të rreme nënkupton se ai ka abuzuar fizikisht dhe seksualisht me Heardin ndërsa ata ishin së bashku.

Të premten të dyja palët dhanë fjalët e tyre përmbyllëse, duke u kërkuar anëtarëve të jurisë që të marrin në konsideratë viktima të tjera të abuzimit në familje. Juria po shqyrton rastin, i cili filloi më 11 prill dhe përfshinte gjashtë javë prova.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.