Ushtruesi i detyrës së drejtorit të Spitalit të Përgjithshëm në Ferizaj, Isa Berisha, ka dhënë dorëheqje nga pozita e ushtruesit të detyrës.
Këtë e ka bërë të ditur Shërbimi Spitalor Klinik e Universitar i Kosovës përmes një shkrimi në rrjetin social ‘Facebook’.
“Ushtruesja e detyrës së drejtorit të përgjithshëm të Shërbimit Spitalor Klinik dhe Universitar të Kosovës, Pranvera Zejnullahu- Raçi, ka aprovuar dorëheqjen e Dr. Isa Berisha, i cili ka ushtruar detyrën e drejtorit të Përgjithshëm të Spitalit të Ferizajt”, thuhet në njoftimin e SHSKUK-së në Facebook.
Tutje, në njoftimin e SHSKUK-së është thënë se në detyrë të drejtorit të Spitalit të Ferizajt është caktuar Selajdin Sallahu.
“U.d. drejtoresha Zejnullahu- Raçi, ka mbajtur një takim të përbashkët, duke falënderuar Dr. Berishën për punën e deritanishme në menaxhim të Spitalit të Ferizajt, kurse Dr.Sallahut i ka ofruar përkrahje nga ShSKUK dhe suksese në menaxhim të Spitalit të Ferizajt”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë
