Duket sikur të gjithë duan të martohen me Jennifer Lopez! Thënë kjo, duke pasur parasysh sa shumë herë këngëtarja ka marrë unaza si shenjë e dashurisë në këto 25 vite.
Ajo është e dyta në radhë pas Elizabeth Taylor, e cila ka marrë propozime për martesë plot tetë herë.
A është Jennifer Lopez një Elizabeth Taylor e shekullit të 21-të?
Mbase po! Por, këtë herë unaza që i dhuroi Ben Affleck, pas 20 vitesh dhe për të dytën herë, mund të jetë e fundit për të.
Fansat e një prej çifteve më të dashur të fillim viteve 2000 janë të bindur se Ben dhe JLo nuk do të ndahen më.
Ata u fejuan para 20 vitesh, por pak para martesës hoqën dorë nga finalizimi i dashurisë.
Megjithatë, tani gjërat duket se janë ndryshe dhe çifti i ribashkuar do e ketë fundin e lumtur bashkë, duke shkruar një kapitull të ri të historisë së dashurisë.
Përse mediat e konsiderojnë Jennifer Lopez vajzën e diamanteve dhe unazave?
Më tej, do ju risjellim në kujtesë gjithë unazat që i janë dhuruar ndër vite këngëtares dhe vlerat e tyre që, me kalimin e kohës, janë rritur.
Siç pritej rekordin e shpenzimit më të madh e “mban me krenari” Ben Affleck.
Në vitin 1997, Jennifer Lopez u fejua me Ohani Noa, biznesmen kuban. Ai i dhuroi një unazë floriri me diamant, e cila kapte vlerën e 100 mijë dollarëve. Çifti u nda në 1998-ën.
Në vitin 2001, JLo u fejua dhe martua me një prej balerinëve të trupës së saj, Cris Judd.
Unaza e fejesës kishte një diamant të bardhë dhe vlente 100 mijë dollarë. Lopez dhe Judd u divorcuan në 2002-shin.
Pasi u njohën në setin e filmit “Gigli”, në vitin 2002, Ben Affleck i dhuroi aktores një diamant 6.10 karat në ngjyrë rozë. Në cepat e tij ishin edhe dy diamante të tjerë të vegjël që plotësonin dizajnin.
Sipas raportimeve të asaj kohe, vlera e unazës ishte 2.5 milionë dollarë. Ben dhe Jen u ndanë në 2004-ën, pak para dasmës.
Në vitin 2004, aktorja dhe këngëtarja e njohur u martua me yllin e muzikës latine Marc Anthony, i cili i dha një unazë me diamant 8.5 karat dhe me diamante të tjerë në cepa.
Vlera e saj u tha se kapte 4 milionë dollarët. Çifti janë prindër të binjakëve Max dhe Emme dhe u divorcuan në 2011-ën.
Unazën e pestë, Jennifer Lopez e mori nga ish-sportisti Alex Rodriguez, i cili i dhuroi një unazë me diamant 15 karat, që thuhet se kishte vlerën 1-5 milionë dollarë. Pasi e shtynë dasmën dy herë, çifti u nda përfundimisht në 2021-shin.
Dhe së fundmi, 20 vite pas romancës së parë të tyre, Ben Affleck dhe Jennifer Lopez u ribashkuan. Pa mbushur akoma një vit nga hera e parë që paparacët i fotografuan bashkë, diva e muzikës konfirmoi në “website”-in e saj se është fejuar.
Këtë herë aktori i dhuroi një unazë me diamant jeshil 8.5 karat, që kap vlerën 5-10 milionë dollarë. Guri në fjalë thuhet se është shumë i rrallë, ndaj edhe vlera e tij është kaq e lartë.
Ngjyra e zgjedhur një rastësi?
Aspak! Aktorja e konsideron ngjyrën jeshile si fatsjellëse, referuar këtu fustanit ikonik “Versace” që veshi në vitet 2000 në “Grammys” dhe një vepre arti që ka të varur në zyrën e saj, ku në qendër është një zog në ngjyrë jeshile.
Marrë nga “Vanity Fair”, përshtatur për Albanian Post!
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Iris Apfel: Dizajnerja amerikane e modës shuhet në moshën 102-vjeçare
-
Babai i Bianca Censorit dëshiron të ballafaqohet me Kanye West për lakuriqësinë e modeles nën “urdhërat” e rep artistit
-
Dua Lipa dhe Callum Turner shfaqen dorë për dore në pas festën e “BAFTA 2024”
-
Princi Harry shfaqet surprizë në “NFL Honors”, disa orë pas kthimit nga MB ku shkoi për të parë babain e diagnostikuar me kancer
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë