Ambasadori i Shteteve të Bashkuara të Amerikës në Kosovë, Jeffrey Hovenier, tha se SHBA-të e dënojnë ngjarjen që ndodhi pasditen e 6 janarit në Shtërpcë ku mbetën të plagosur dy të rinjë serbë.
Hovenier të shtunën në mëngjes mori pjesë në liturgjinë e Krishtlindjeve në manastirin e Graçanicës, me çrast theksoi se SHBA-të janë të tronditura nga rasti ndërsa vlerësoi reagimin e shpejtë të Policisë së Kosovës.
“Në emër të Shteteve të Bashkuara të Amerikës, theksojmë se sa të tronditur jemi të gjithë nga ajo që ndodhi me dy të rinjtë që u qëlluan dhe sigurisht e dënojmë atë akt. Gjithashtu, jemi mirënjohës që autoritetet vepruan shpejt dhe e arrestuan të dyshuarin”, tha Hovenier.
Ndryshe, plagosja e dy djemve serbë, Stefan Stojanoviç (11 vjeçar) dhe Millosh Stojanoviç (21 vjeçar) nga një pjesëtar i Forcës së Sigurisë së Kosovës nxiti reagime të shumta në Kosovë.
Rastin e kanë dënuar kryeministri Albin Kurti e presidentja Vjosa Osmani.
Nga ana tjetër, në Serbi rastit i kanë dhënë ngjyrime politike.
Kujtojmë se Lista Serbe – forca politike e serbëve të Kosovës – ka bërë thirrje për protestë, e cila pritet të mbahet të dielën me fillim në orën 12:00.
Plagosja e dy të rinjve në Shtërpcë: Paraqitet kërkesa për masën e paraburgimit ndaj dorasit
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi i kërkon bast Kurtit: Nëse humb zgjedhjet në Tetovë, duhet ta lirosh karrigen e kryeministrit – nëse fiton…
-
Lajçaku pret “komente konstruktive” mbi “kompromisin e propozuar” për dinarin
-
Perez: BE-ja ta çojë përpara aplikimin e Kosovës dhe ta ndëshkojë Serbinë
-
Deputetja e LVV-së i bën thirrje prokurorisë ta hetojë ministrin Aliu për skandalin rreth ambalazhuesve të ujit
