Japonia dhe Shtetet e Bashkuara ranë dakord të bashkëpunojnë në zhvillimin e energjisë gjeotermale, në margjinat e takimit të Grupit të Shtatë vendeve më të industrializuara (G7) për klimën në qytetin e Sapporo-s.
Memorandumi u nënshkrua nga Sekretarja Amerikane e Energjisë Jennifer Granholm dhe ministri japonez i Ekonomisë, Tregtisë dhe Industrisë Yasutoshi Nishimura.
Në dokument thuhet se energjia gjeotermale njihet si një “teknologji e energjisë së rinovueshme” për të cilën të dy vendet mund të punojnë dhe përmirësojnë së bashku.
Japonia është shumë e pasur me energji gjeotermale, e cila reflektohet në burime të shumta termale, por rreth tyre janë ndërtuar llixha dhe resorte, gjë që e bën të vështirë përdorimin e tyre për prodhimin e energjisë elektrike.
Memorandumi gjithashtu kërkon bashkëpunim në kërkimin, zhvillimin, shkëmbimin e informacionit dhe realizimin e projekteve gjeotermale në SHBA, Japoni dhe vende të tjera.
Është një nga një sërë fushash ku të dy vendet synojnë të bashkëpunojnë për të reduktuar përdorimin e lëndëve djegëse fosile dhe emetimin e gazrave që kontribuojnë në ndryshimet klimatike.
Përdorimi më i madh i energjisë gjeotermale mund t’i mundësojë Japonisë të sigurojë 90 për qind të energjisë së saj nga burime të rinovueshme, vlerëson Laboratori Kombëtar Lawrence Berkeley.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Emiratet dhe Egjipti po përgatiten të “koordinojnë” evakuimin e Rafahut me Izraelin
-
SHBA kërkon 36 muaj burg për themeluesin e Binance
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Sela pas fitores së “Frontit Evropian”: Ia plotësuam Taravarit dëshirën për t’u kthyer në profesionin si mjek
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Kushtëzimi i KiE-së me Asociacionin nga Franca e Gjermania po ndodh me pajtimin dhe bekimin e plotë të Qeverisë