Tre muaj më parë, Italia dhe Spanja u përballen në “Wembley” për të përcaktuar finalistin e parë të EURO 2020.
Sonte, përballë publikut vendas në “San Siro”, Italia do tentojë të arrijë një tjetër finale, atë të Nations League.
UEFA Nations League organizon finalet e dyta në historinë e kompeticionit, pas atyre në vitin 2019.
Kampionja e parë e kësaj gare ishte Portugalia, që tani nuk bën pjesë në ‘top 4’ e kësaj gare.
Gjysmëfinalja e parë është ajo mes Italisë dhe Spanjës.
Kampionët e Evropës dhe rekordmenët e ndeshjeve radhazi pa humbje, tentojnë sonte që të vazhdojnë atë ecuri.
37 janë ndeshjet pa humbje që Italia i ka radhitur, me të fundit që ka ardhur në kuadër të Nations League.
Spanja, në anën tjetër, kërkon hakmarrjen pas humbjes me penallti në gjysmëfinalen e EURO 2020.
Në orën 20:45, një tjetër klasike e futbollit paraqitet para nesh, për të përcaktuar gjysmën e një tjetër finaleje spektakolare.
Franca – Belgjika është gjysmëfinalja tjetër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com