Ish-kapiteni i skuadrës së Prishtinës, Lorik Boshnjaku, është transferuar te Vllaznia e Shkodrës.
Lajmin e ka bërë të ditur vetë klubi nga elita e futbollit shqiptar, të cilët njoftuan se kanë nënshkruar kontratë dy-vjeçare me Boshnjakun.
“KF Vllaznia bën të ditur se ka firmosur me futbollistin Lorik Boshnjaku”.
“Për shtatë vite me radhë ai ka qenë pjesë e FC Prishtina, ndërsa nga sot e për dy vitet e ardhshme do të jetë pjesë e klubit tonë”.
“Boshnjaku luan në rolin e mesfushorit të qendrës dhe KF Vllaznia i uron mirëseardhjen në familjen kuqeblu!”, thuhet në njoftimin e klubit.
Kujtojmë që mesfushori qendror, te Vllaznia do ta gjejë trajnerin Mirel Josa, me të cilin kishte punuar më herët sa ishte pjesë e klubit të Prishtinës.
Boshnjaku është pjesë e skuadrës nga kryeqyteti i Kosovës prej vitit 2014, që kur u transferua nga klubi i 2 Korrikut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë Rai-n