Ish-gjyqtari i EULEX-it i reagon shefit të këtij misioni: Është turp që ju nuk e kuptoni sundimin e ligjit në Kosovë

Ish-gjyqtari i Misionit Evropian për Sundimin e Ligjit (EULEX), Malcolm Simmons, ka reaguar pas takimit të shefit të këtij misioni, Lars Gunnar Wigemark, me Presidenten e Kosovës, Vjosa Osmani.

Simmons duke iu drejtuar Wigemark, ka thënë se përderisa presidentja Osmani dhe institucionet e reja të Kosovës mund ta kuptojnë sundimin e ligjit në Kosovë, është një trup që EULEX-i nuk e kupton atë.

“Unë s’kam dyshim që Qeveria e re e Kosovës dhe Vjosa Osmani e kuptojnë shtetin e së drejtës, Lars-Gunnar Wigemark. Është vetëm turp që EULEX-i dhe BE-ja s’e kuptojnë”, ka shkruar Simmons në Twitter.

I am in no doubt the new government of Kosovo @VjosaOsmaniPRKS understands rule of law @LarsGWigemark. It is just such a shame EULEX and the EU does not. https://t.co/EtS2Y15DK2

— Judge Malcolm Simmons (@SimmonsJudge) April 14, 2021

Ky reagim ka ardhur pasi që Wigemark në postimin e tij në Twitter ku ka komentuar takimin me Osmanin, ka thënë se asaj nuk ka nevojë t’i shpjegohet rëndësia e sundimit të ligjit.

“Presidentja Osmani, e cila është një avokate e mirë nuk ka nevojë të shpjegojë rëndësinë e sundimit të ligjit për presidentin, ajo e kupton se çfarë nevojitet dhe e ka bërë atë një nga përparësitë e saj kryesore”, ka shkruar Wigemark.

First official meeting with the new President ⁦@VjosaOsmaniPRKS⁩ of Kosovo 🇽🇰 yesterday. A well trained lawyer herself, there is no need to explain the importance of rule of law for the President, she understands what is needed and has made it one of her main priorities. pic.twitter.com/kUHI4KuyYY

— Lars-Gunnar Wigemark (@LarsGWigemark) April 13, 2021

Ndërkohë më 12 prill, Osmani zhvilloi një takim me Wigemark, nga i cili mori edhe urimet për detyrën.

Sipas komunikatës për media nga Presidenca e Kosovës, thuhet se në atë takim është diskutuar për aspektet e përgjithshme të zhvillimeve politike dhe u vlerësua pozitivisht përmbyllja e suksesshme e konstituimit të institucioneve të reja të dala nga zgjedhjet e 14 shkurtit.

“Të dy bashkëbiseduesit u shprehën të gatshëm për të vazhduar bashkëpunimin ndërmjet të të dy institucioneve, sidomos në fushën e sundimit të ligjit, rendit dhe personave të pagjetur”, thuhej në njoftim.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.