Intrigat e futbollit spanjoll për të mos e quajtur Kosovën “Kosovë”

Në ditën e fundit të Kualifikimeve Evropiane për Kupën e Botës 2022, Spanja priti ekipin kombëtar të Kosovës në Sevilje. Vetë loja nuk kishte shumë për të ofruar, me Spanjën që shihej si favorite kryesore dhe Kosovën e fundit në grupe, pa asnjë pikë. Siç pritej, Spanja fitoi 3-1 pavarësisht mungesës së shumë prej startuesve të tyre. Sidoqoftë, loja u përfol më së shumti, për marrëdhëniet midis dy vendeve. Kjo e fundit çoi në një seri momentesh të turpshme dhe surreale. Spanja është në fakt i vetmi vend i madh perëndimor që nuk e njeh Kosovën si një shtet të pavarur.

Një nga episodet më të çuditshme dhe më të sikletshme ndodhi gjatë konferencës për shtyp para ndeshjes, kur menaxheri i ekipit kosovar Bajram Shala duhej të insistonte që gazetarët spanjollë në sallë të shqiptonin “Kosovën”.

MUST WATCH: A priceless moment from the European Qualifiers conference. #Kosovo team official forces Spanish journalist to recognize Kosovo. ⚽️🇽🇰

The controversy stems from Spain’s designation of Kosovo as a “territory.” pic.twitter.com/Z3CpdoEYJ3

— Team Albanians (@TeamAlbanians) March 31, 2021

Pozicioni i veçantë i Spanjës ndaj Kosovës lidhet kryesisht me pretendimet e pavarësisë së Katalonjës. Një njohje e Kosovës mund të përdoret si një precedent nga udhëheqësit katalunas të pavarësisë. Këta të fundit kanë kontrolluar qeverinë lokale për vite me radhë, për të kërkuar shkëputjen nga Spanja. Ose mund të ketë pasoja në marrëdhëniet me Gjibraltarin, territor i pretenduar nga Mbretëria e Bashkuar.

Për këto arsye, disa gazeta dhe televizione spanjolle u është dashur të përpiqen të mos e quajnë Kosovën “Kosovë”. Televizioni publik, për shembull, gjithmonë ka përdorur termin “Federata Kosovare e Futbollit” dhe nuk ka përdorur fjalën “himn” për të treguar himnin kombëtar të Kosovës. Në grafikët e mbivendosur gjatë lojës, inicialet e Kosovës janë raportuar me shkronja të vogla, ndërsa ato të Spanjës me shkronja të mëdha. E njëjta linjë u miratua nga Federata Spanjolle, e cila i referohej kundërshtarëve vetëm si “territori i Kosovës”.

The Spanish Government’s non-recognition of Kosovo extends to the national broadcaster putting ‘kos’ in lower case, rather than upper case. Seriously. pic.twitter.com/5cmOCIUuT7

— The Spanish Football Podcast (@tsf_podcast) March 31, 2021

Për arsye të ngjashme, UEFA ende ndalon ndeshjet midis klubeve ruse dhe ukrainase, serbe dhe kosovare ose armene dhe azerbajxhanase. Nga ana tjetër, Spanja nuk mund të takohet me Gjibraltarin, për arsyet e përshkruara. Sipas ‘El Pais’, UEFA i jep një veto të këtij lloji, secilit ekip kombëtar, nëse nuk janë dy vende në konflikt të hapur. Zgjedhja mbi Gjibraltarin ka detyruar në një farë kuptimi Spanjën të përballet me Kosovën.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.