Sulmuesi i Inter-it, Andrea Pinamonti, do të transferohet te skuadra e Sassuolo-s gjatë kësaj vere.
Sipas asaj që shkruajnë mediat italiane, Sassuolo do të paguajë rreth 20 milionë euro (përfshirë edhe bonuset) për transferimin e sulmuesit italian.
Pinamonti pritet që gjatë ditës së enjte t’i nënshtrohet testeve mjekësore, më pas do të nënshkruajë kontratë katër-vjeçare me klubin italian.
Andrea Pinamonti will leave Inter in the next hours. Full agreement now in place to sell striker to Sassuolo on permanent deal, fee will be around €20m. 🇮🇹🤝 @SkySport #transfers
Inter are also in talks with both OGC Nice & Chelsea for Cesare Casadei.
— Fabrizio Romano (@FabrizioRomano) August 10, 2022
Pinamonti në sezonin e fundit luajti i huazuar te Empoli, i cili shënoi 13 gola dhe dhuroi dy asistime në 36 ndeshje në Serie A.
Interesim të madh për të kishte shprehur edhe Atalanta, por Inter-i në fund arriti marrëveshje me Sassuolo-n për transferimin e sulmuesit 23-vjeçar.
Ai do të jetë zëvendësues i Gianluca Scamacca-s, i cili u transferua gjatë kësaj vere te West Ham-i për shumën e 36 milionë eurove.
Gjithashtu nga Sassuolo gjatë kësaj vere pritet të largohet edhe Giacomo Raspadori, që thuhet se është afër transferimit te Napoli.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
