Inter ka humbur përballë Fiorentina-s 1-0 në takimin e javës së 28 të zhvilluar në “Giuseppe Meazza” pasditen e kësaj të shtune.
Humbja është e treta radhazi në Serie A për zikaltrit e drejtuar nga Simone Inzaghi. Dhe, gjithashtu është e katërta në pesë takimet e fundit në kampionat, ku numërojnë edhe një fitore përballë Spezia-s.
Edhe pse ishte një ndeshje e luftuar nga të dyja skuadrat, ekipi nga Firence arriti të merrte tri pikët në Milano.
Goli i vetëm i takimit erdhi në pjesën e dytë. Në minutën e 53, ish-lojtari i Milan-it, Giacomo Bonaventura realizoi për t’i dhënë avantazhin dhe fitoren skuadrës së tij.
Me rezultatin e arritur, Inter qëndron në vendin e tretë në Serie A me 50 pikë. Por, është një vend të cilin mund ta humbas nëse Milan fiton ndeshjen e javës së 28.
Në krahun tjetër, Fiorentina ngjitet në kuotën e 40 pikëve dhe në vendin e tetë.
Renditja e Serie A:
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dalin rezultatet e para, Bujar Osmani i dyti më i votuar
-
Rama: Reportazhi i Rai-t është bërë për të sulmuar Melonin duke përdorur shëmtuar Shqipërinë dhe Agaçin
-
O’Brien kërkon nga Kurti “progres urgjent” për Asociacionin
-
Kushtëzimi i KiE-së me Asociacionin nga Franca e Gjermania po ndodh me pajtimin dhe bekimin e plotë të Qeverisë