Instituti i Statistikave (INSTAT), ka publikuar ditën e premte, shifrat e humbjes së jetës në vitin 2020, ku vërehet një rritje. Pandemia Covid-19 ka qenë faktori kryesor i ndryshimit të kësaj situate.
Sipas INSTAT-it, në vitin 2020 janë shënuar 27 mijë e 605 humbje jete. Duke bërë një krahasim më vitet e kaluar, shifra ka pësuar një rritje me 25.8%.
Në total 5 mijë e 668 persona më shumë ndërruan jetë në 2020-n, krahasuar me vitin 2019. Ky është niveli rekord i jetëve të humbura në vend, që prej vitit 1990.
Drejtoria e Gjendjes Civile, ka publikuar më herët një shifër ku sipas saj vdekjet kapnin shifrën e 28 mijë personash, rreth 300 më shumë se INSTAT-i.
Në raport me mesataren e viteve 2015-2019, rritja e vdekshmërisë është me rreth 21%. Situata me pandeminë ka qenë e rënduar në tremujorin e tretë dhe sidomos në atë të fundit. Sipas INSTAT, në tremujorin e tretë u regjistruan rreth 1 mijë e 600 vdekje më shumë.
Në të katërtin, pasojat e pandemisë kanë qenë më të rënda. Gjithsej u regjistruan 9 mijë e 397 vdekje, me një rritje prej 73%, ose gati 4 mijë jetë të humbura më shumë se tetor-dhjetor i vitit 2019.
Që prej vitit 2009, mesatarisht në vend, humbjet e jetës janë luhatur mes 21-22 mijë në vit, me kulmet që deri tani ishin arritur në vitin 2015-ën dhe 2017-ën. Të dyja këto periudha përkojnë me sezone gripale më të rënda. Tremujori i parë ka qenë tradicionalisht me më shumë humbje jete, teksa moti i ftohtë ka ulur edhe imunitetin e të moshuarve.
Ndër të tjera vihet re se numri më i ulët i vdekjeve në 2020-ën, është në qarkun e Kukësit, me 627 vdekje, ndërsa më i larti i vdekjeve në 2020, në qarkun e Tiranës, me 7 mijë e 129 vdekje.
Qarku i Tiranës ndiqet nga ai i Fierit me rreth 3 mijë e 112 vdekje. Në të gjitha qytetet vdekshmëria në 2020-ën ka pësuar një rritje.
Kjo situatë ka mbërthyer të gjithë botën, ku shifrat e vdekjes për 2020 janë alarmante.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Balluku: Nuk ka rritje çmimi të energjisë për furrat e bukës, mbetet 7.5 lekë kw/h
-
Dezinformimi dhe ndërhyrjet e huaja, Çuçi kërkesë Nikollës: Të krijohet një Komision i Posaçëm
-
I ofroi Nuredin Dumanit 120 mijë euro që t’i vriste gruan, Prokuroria kërkon 6 vite e 6 muaj burg për ish-avokatin Alban Bengasi
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
Lajmet kryesore
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Dezinformimi dhe ndërhyrjet e huaja, Çuçi kërkesë Nikollës: Të krijohet një Komision i Posaçëm
-
Putini më i fortë se SHBA-të, kur flitet për shkëmbimin e të burgosurve
-
Gjilan: Afaristi u gjet i vdekur në bodrumin e banesës, kishte mbi 80 mijë franga me vete