Gatimi

Insektet futen si ushqim edhe në Evropë


Kina shquhet si një ndër vendet që konsumon më shumë insekte. Por kohët e fundit edhe në Evropë ka filluar konsumimi i tyre.

Tashmë europianët do të mund të konsumojnë edhe biskota apo makarona të bëra nga krimba të verdhë të miellit.  Për here të pare është autorizuar për herë të parë, vënia në treg e insekteve si ushqim.

Autoriteti Europian i Sigurisë Ushqimore (EFSA) arriti në përfundimin, në mes të janarit, që larvat e krimbave, të njohura gjithashtu si “krimba mielli”, mund të hahen në mënyrë të sigurt “ose si një insekt i plotë i tharë ose si një pluhur”.

Pas kësaj drite rregullatore jeshile, shtetet anëtare kanë miratuar një propozim nga komisioni Evropian, duke autorizuar përdorimin e krimbave të verdhë të tharë, si një ushqim i ri.

Produktet e bazuara në insekte (shumë të pasura me proteina, minerale, vitamina, fibra, por edhe acide yndyrore të shëndetshme, omega 6 dhe 3) mund të ndihmojnë në parandalimin e mungesave të lëndëve ushqyese, sipas kompanive në sektor.

Organizata e Ushqimit dhe Bujqësisë e Kombeve të Bashkuara (FAO) i përshkruan ata si “një burim ushqimi të shëndetshëm”.

Sipas KE, ato mund të përbëjnë “një burim alternativ të proteinave për të mbështetur kalimin në një sistem ushqimi më të qëndrueshëm”, pasi që bujqësia e insekteve ka një gjurmë të kufizuar ekologjike krahasuar me burimet e tjera të proteinave.

 Përshtatur nga ‘Market Intelligence’ për Albanian Post

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore