Presidenti i FIFA-s. Gianni Infantino, i ka dërguar një letër ngushëllimi presidentit të Federatës Shqiptare të Futbollit, Armand Dukës, me rastin e e shpërthimit që ndodhi në shtëpinë e tij.
Përmes kësaj letre, Infantino është shprehur i shokuar për këtë ngjarje të rëndë, i cili shtoi se Duka do të ketë mbështetjen e futbollit ndërkombëtar në këto ditë të vështira për të dhe familjen e tij.
“I dashur President. Mësova me tronditje të madhe dhe trishtim të thellë për sulmin e tmerrshëm në shtëpinë tuaj të hënën në mbrëmje. Në emër të komunitetit ndërkombëtar të futbollit, dëshiroj të shpreh mbështetjen tonë më të sinqertë për ju dhe familjen tuaj”, shkruan i pari i FIFA-s.
“Mendimet tona janë me ju të gjithë në këtë moment të vështirë. Shpresojmë që ky mesazh solidariteti dhe mbështetjeje të mund t’ju ndihmojë në këtë moment të vështirë. I juaj sinqerisht, Gianni Infantino”, shkruhet në letrën e Infantiono-s.
Kujtojmë që një shpërthim me tritol kishte ndodhur në shtëpinë e të parit të FSHF-së, Armand Dukës, të hënën e kaluar.
Shpërthimi ndodhi pas disa ditëve me retorika të ashpra ndërmjet tij dhe kreut të Bashkisë së Tiranës, Erion Veliaj, i cili a ka quajtur Dukën “beu” i futbollit shqiptar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Hajnia multi-milionëshe e Liburn Aliut dhe Naser Hafizit
-
MPB: 10 pjesëtarë të Policisë së Kosovës janë ndaluar nga Serbia, 5 ende janë në mbajtje
-
Izraeli kishte vendosur të godiste Iranin të hënën, por më pas u tërhoq
-
Shqipëria tashmë jashtë listës së vendeve në monitorim nga KiE, pas 29 vitesh