Janë gjetur eshtrat e Nuredin Dvoranit i cili ishte zhdukur dhunshëm nga lufta e fundit në Kosovë.
Komisioni Qeveritar për Persona të Zhdukur ka njoftuar se eshtrat e të ndjerit janë gjetur dhe zhvarrosur nga lokacioni i varrezës masive në Qirez, komuna e Skenderajt.
Ai do të rivarroset këtë të premte në fshatin Tërstenik të Komunës së Drenasit.
“Nuredin Dvorani, i zhdukur dhunshëm nga lufta e fundit, është identifikuar dhe do të rivarroset sot më 21 janar 2022, ora 14:00 në fshatin Tërstenik, Komuna e Drenasit”.
“Nuredin Dvorani ishte në moshën 17 vjeçare kur ishte zhdukur dhunshëm nga forcat serbe më 30 prill 1999”.
“Eshtrat e Nuredin Dvoranit janë gjetur dhe zhvarrosur nga lokacioni i varrezës masive në Qirez, Komuna e Skenderajt dhe tanimë janë identifikuar përmes analizës së ADN-së”.
“Ndërsa sot me kërkesë të familjes do të rivarroset në fshatin Tërstenik, me përkrahjen e Komisionit Qeveritar për Persona të Zhdukur, Institutit të Mjekësisë Ligjore, shoqatat e familjarëve të personave të zhdukur dhe institucionet komunale”, thuhet në njoftimin e komisionit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ndalohet një rast i kontrabandës mes kufirit të Kosovës dhe Maqedonisë së Veriut
-
Anija misterioze ruse e ankoruar në Kinë: Sjell armë të Koresë së Veriut në Moskë
-
Akoma ekziston potenciali për konflikt në veri të Kosovës, sipas ushtrisë gjermane
-
Aksion në Malësinë e Madhe: 6 të arrestuar dhe 3 në kërkim
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë RAI-n