Enver Hoxhaj, nënkryetar i Partisë Demokratike të Kosovës, në takim me të dërguarin special të Bashkimit Evropian për dialogun, Miroslav Lajçak, ka kërkuar nga ky i fundit që të kërkojë falje për hartën e vendosur në zyrën e tij ku nuk figuronte kufiri ndarës mes Kosovë e Serbisë.
“Ndërmjetësuesi i dialogut nuk duhet të ketë qëndrim të njëanshëm në këtë proces dhe ai duhet ta njoh realitetin e Kosovës së pavarur”, ka thënë Hoxhaj.
Tutje, gjatë këtij takimi, kreu i PDK-së e ka njoftuar Lajçak për qëndrimin e partisë së tij që çfarëdo marrëveshje e mundshme midis Kosovës dhe Serbisë ka thënë se duhet të jetë “ në përputhje me Kushtetutën e vendit, të mos e cenojë tërësinë territoriale, integritetin dhe sovranitetin e Kosovës”.
Sipas Hoxhajt, rajoni mund ta tejkalojë këtë sfidë historike vetëm kur të dyja vendet e njohin njëra-tjetrën dhe Kosova siguron ulëse në OKB.
Ndërsa i dërguari i posaçëm i BE-së për dialogun i ka njoftuar krerët e PDK-së me planin e tij për rifillimin e shpejt të dialogut pas formimit të institucioneve të reja në Kosovë.
Në këtë takim Hoxhaj ishte i shoqëruar edhe nga sekretari i përgjithshëm, Uran Ismaili, nënkryetari Memli Krasniqi dhe anëtarja e kryesisë, Blerta Deliu.
Lajçak paraprakisht është takuar edhe me kryeministrin në detyrë Avdullah Hotin dhe ushtruesen e detyrës së presidentës, Vjosa Osmani, në takime të ndara.
Vizitën e tij tri ditore në Kosovë, emisari për dialog e mbyllë të mërkurën në 12:00, në një konferencë para gazetarëve.
Lajçak pas Kosovës viziton Serbinë. Atje do të qëndrojë me tre dhe katër mars.
Sllovaku gjithashtu do të vizitojë Malin e Zi si pjesë e mandatit të tij rajonal nga katër deri më pesë mars.
Lajçak planifikon të takohet me udhëheqjen politike të tre partnerëve të Ballkanit Perëndimor, si dhe me përfaqësuesit e Bashkimit Evropian në terren.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Përplasje në Këshillin Bashkiak të Himarës, pezullohet mbledhja
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
Raportohet se BE po përgatit pozitë të re për Lajçak-un