Hong Kongu burgos aktivistin dhe DJ-in për shqiptimin e “fjalëve rebele”

Një ish-DJ në Hong Kong është dënuar me 40 muaj burg nga një gjykatë, nën akuzën për krim verbal.

Tam Tak-chi, i cili njihet me emrin e tij artistik Fast Beat, u gjobit edhe me vlerën e 5 mijë dollarëve, pasi u shpall fajtor për 11 nga 14 akuzat kundër tij muajin e kaluar, përfshirë shtatë akuza për “thënie të fjalëve rebele”.

Ai u lirua nga dy akuza për “sjellje të çrregullt në një vend publik” dhe një për “komplot për të shqiptuar fjalë kryengritëse”.

Tak-chi ishte personi i parë që u akuzua për rebelim në Hong Kong që nga viti 1997, sipas një ligji të epokës koloniale, të cilën autoritetet në territor e kanë përdorur vazhdimisht që nga fillimi i goditjes ndaj protestuesve dhe mbështetësve pro-demokracisë.

Ligji kundër rebelimit është i ndarë nga ligji i sigurisë kombëtare, i prezantuar në vitin 2019, i cili gjithashtu kriminalizon aktet si kryengritjet, terrorizmin, shkëputjen dhe marrëveshjet e fshehta me të huajt.

Prokurorët pretenduan se aktivisti përdori slogane kundër policisë, si dhe fraza të dëgjuara zakonisht në protestat e vitit 2019: “Çlironi Hong Kongun, revolucionin e kohës sonë” dhe “pesë kërkesa, jo një më pak” në shumë raste.

Gjyqi i tij pa që prokuroria dhe mbrojtja debatuan kuptimin e “çlirimit” dhe “revolucionit” përgjatë historisë kineze.

Në një gjyq të veçantë të personit të akuzuar, sipas ligjit të sigurisë kombëtare, gjykata vendosi se fraza “çliroj” mund të përdoret për të nxitur të tjerët të kryejnë aktivitete secesioniste.

Stanley Chan, gjyqtari i sigurisë kombëtare i zgjedhur nga qeveria e Hong Kongut, e dënoi Tam me një total prej 54 muajsh për akuza të ndryshme, duke përfshirë dy vjet për “nxitje për të marrë pjesë me vetëdije në një asamble të paautorizuar”.

Gjithashtu vendosi që disa të viheshin njëkohësisht, duke ulur burgimin deri në 40 muaj.

Chan tha se ai nuk gjeti faktorë lehtësues dhe akuzoi Tam për “respekt” dhe “dëshirë subjektive” për të kandiduar dhe fituar zgjedhjet legjislative të planifikuara në atë kohë.

Tam është mes 47 aktivistëve dhe politikanëve që u arrestuan dhe u ndaluan gjatë zgjedhjeve parazgjedhore.

Grupi demokratik më vonë dha dorëheqjen në shenjë proteste dhe sistemi zgjedhor u riparua për ta bërë të pamundur fitoren e kampeve të opozitës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.