Në Liban, një burrë i armatosur është shfaqur si hero pasi ka mbajtur pengje në një bankë qendrore të Bejrutit dhe ka kërkuar akses në paratë e tij.
Ky veprim i tij ka marrë mbështetje të gjerë publike.
Me kërcënimin se do të vetëvritet, Bassam al-Sheikh Hussein hyri në degën e Bankës Federale dhe këmbënguli të tërhiqte një pjesë të kursimeve të tij të ngrira prej 210 mijë dollarë për të ndihmuar në pagesën e faturës së spitalit të babait të tij.
Fondet kanë qenë jashtë kufijve për më shumë se dy vjet për thuajse të gjithë libanezët.
Të goditura nga kriza ekonomike, bankat u kanë lejuar depozituesve vetëm tërheqje simbolike të dollarëve çdo muaj që janë të pamjaftueshme për të përmbushur nevojat më themelore.
Lajmi i tij arriti në të gjithë vendin, ku 80 për qind e popullsisë konsiderohet e varfër pas vendosjes së kontrolleve informale të kapitalit.
Figura e tij sfiduese që mban peng një bankë të tërë rezonoi me qindra mijëra njerëz të mbajtur peng nga një kolaps tronditës ekonomik që ka gjymtuar Libanin dhe ka zhdukur potencialisht miliarda dollarë kursime.
Ushtarët dhe policët që u mblodhën pranë bankës teksa sfida e tij u shpërbë, u janë ulur pagat më shumë se njëzetfish që nga fillimi i vitit 2020.
Shumë prej tyre fitojnë ekuivalentin e 70 dollarëve në muaj.
Qëndrimi i të armatosurit duket se fitoi.
Banka ra dakord t’i jepte 30 mijë dollarë pasi ai refuzoi një ofertë të mëparshme prej 10 mijë dollarësh.
Akti i tij konsiderohet i dyti për këtë vit. Një tjetër depozitues i zemëruar u hodhi lëndë djegëse klientëve në një bankë rajonale në janar dhe kërkoi kursimet e tij.
The situation is so desperate in Lebanon another person has raided his bank trying to “steal” back his own money this time in #Hamra – apparently this man has $210,000 stuck in there and needs to pay his father’s $50000 hospital bill pic.twitter.com/5wrprs4Kp2
— Bel Trew (@Beltrew) August 11, 2022
Edhe ai pati sukses. Megjithatë, akte të tilla kundërshtimi kanë qenë të rralla në Liban, pavarësisht vuajtjeve të thella dhe të vazhdueshme të popullsisë.
Prej kohësh, dërgesat nga të afërmit jashtë vendit kanë qenë një mjet shpëtimi për qytetarët libanezë.
Por me monedhën vendase ende në rënie, një ngërç politik që vazhdon dhe nuk ka asnjë shenjë të vërtetë se liderët janë të përgatitur për të përmbushur kushtet thelbësore për paketat e shpëtimit global, ato kanë qenë jetike për të mbajtur vendin të bashkuar.
Shumë depozitues janë të kufizuar të marrin deri në 200 dollarë në muaj nga banka, përveç një versioni hibrid të monedhës vendase që shpërndahet me rreth një të tretën e normës së tregut.
Ngado ekziston frika e përhapur se depozitat në dollarë mund të bëhen të pavlera nëse gjendet një zgjidhje financiare.
Tani, shumica e mallrave dhe shërbimeve po shiten në vlerat e dollarit, gjë që e bën disponueshmërinë e monedhës edhe më thelbësore për ata që nuk kanë akses në llogaritë offshore ose një fluks të gatshëm të ardhurash nga jashtë Libanit.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
