Hebreu i fundit lë Kabulin

Ai po mbronte një sinagogë, por pas rëndimit të situatës në Afganistan, edhe hebreu i fundit i gjendur në Kabul, është evakuuar.

Një ndër komunitetet izraelite më të lashta në histori, ai i Afganistanit, nuk është më.

Zebulon Simentov, ishte rojtari i sinagogës së fundit në Kabul, por talebanët i vunë në dukje disa herë se më mirë, ishte që ai të largohej nga vendi.

Komuniteti hebre në Kabul, daton që prej një mijëvjeçari e gjysmë më parë. Sinagoga e tyre atje, është pak më e vonshme se bazilika e Shën Pjetrit në Romë. Pas 15 shekujsh, ky komunitet nuk do të jetë më i vendosur aty.

Misionin e shpëtimit, e organizuan disa biznesmenë amerikanë me origjinë hebree.

Zebulon vinte nga qyteti i Heratit. Ndërsa vitin e saktë të lindjes, nuk e ka të dokumentuar. Me sa i kanë thënë atij, sipas llogarive, është datëlindjes 1959.

Ai i ka përjetuar vetë luftërat moderne në Afganistan, si atë me sovjetikët, si zbarkimin e amerikanëve.

Pas, Zebuloni do të lërë një trashëgimi të jashtëzakonshme të hebrenjve në Afganista. Por, përtej kësaj, siguri nuk ka as nëse do të mbijetojë apo jo kjo pasuri trashëgimore e kulturore.

Talebanët, prej javësh, vijojnë të dalin kundër lirive themelore të njeriut. Protestat po kthehen në tribuna plagosjesh e vrasjesh.

Gratë, janë ato që momentalisht po bëjnë rezistencën më të madhe. Prej tyre po lindin protesta e demonstrata. Por, edhe dhunë e shtuar, me fshikullime e rrahje nga ana e talebanëve kundrejt tyre.

Një civilizim i tërë hebre u zhbë në Kabul. Të tjerë, mund të kenë të njëjtin fat, në mos më keq.

Paniku, në largim e sipër, ende ekziston.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.