“Debakël politik” për Lëvizjen Vetëvendosje i ka cilësuar rezultatet preliminare të Zgjedhjeve Lokale të 17 tetorit, Kreu i Aleancës për Ardhmërinë e Kosovës, Ramush Haradinaj.
“Për gjashtë muaj”, tha Haradinaj, “Albin Kurti ka rënë prej 50 në 23%”.
Diferenca e votës së LVV-së në zgjedhjet parlamentare dhe lokale, konsideron Haradinaj, “asnjëherë s’ka qenë kaq e madhe”.
“Edhe në kohën kur thotë se se kemi qenë të dytët ose të tretët, dallimi i votës në mes të asaj nacionale dhe komunale nuk ka qenë aq i madh”, ka thënë Haradinaj.
Ndërsa këtë rezultat preliminar, udhëheqësi i AAK-së, e quan “rënie të pastër”.
“Jemi duke folur për 30% më pak. Nuk mendoj se ka të bëjë vetëm me listën ose problemet komunale. Por me qasjen e Kurtit dhe Vetëvendosjes”, ka thënë ai në Klan Kosova.
“Qasje mashtruese”, e ka quajtur Haradinaj politikbërjen Kryeministrit Kurti, duke thënë se “20 vjet ka kritikuar për punësime familjare dhe ka bërë të njëjtën gjë me të ardhur në pushtet”.
“Të biesh nga 50% në 23% për gjashtë muaj, është debakëk politik”, ka thënë mes të tjerash Haradinaj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi i kërkon bast Kurtit: Nëse humb zgjedhjet në Tetovë, duhet ta lirosh karrigen e kryeministrit – nëse fiton…
-
Lajçaku pret “komente konstruktive” mbi “kompromisin e propozuar” për dinarin
-
Perez: BE-ja ta çojë përpara aplikimin e Kosovës dhe ta ndëshkojë Serbinë
-
Deputetja e LVV-së i bën thirrje prokurorisë ta hetojë ministrin Aliu për skandalin rreth ambalazhuesve të ujit
