“Nëse do të kem privilegjin dhe nderin të udhëheq vendin tim si president, do të ndihmoj qeverinë në punën e vendit dhe do të mbaj një referendum për unionin me Shqipërinë”.
Kështu ka deklaruar ish-kryeministri i Kosovës, Ramush Haradinaj, që nga posti i kryetarit të Aleancës për Ardhmërinë e Kosovës synon ta marrë atë të Presidentit të Kosovës.
Kjo deklaratë e liderit të AAK-së është në vazhdën e adresimeve që ai ka bërë lidhur me këtë temë, e që në gjenezë lidhen me relacionet Kosovë-Serbi.
Haradinaj ditë më parë kishte vënë theksin tek bashkimi i Kosovës me Shqipërinë, në rast se Kosova nuk bëhet anëtare e Organizatës së Kombeve të Bashkuara deri më 2024.
Një qëndrim të ngjashëm ai e kishte ndërlidhur edhe me mosnjohjen e Kosovës nga Serbia, duke shkaktuar valë mediatike dhe reagimin e presidentit serb Aleksandar Vuçiq.
Në zgjedhjet e datës 14 shkurt, Haradinaj është i vetmi kryetar partie që ka vendosur të garojë jo për postin e kryeministrit, por për atë të presidentit.
Ndërsa, programi me të cilin Aleanca për Ardhmërinë e Kosovës garon në zgjedhje është më tepër i lidhur me qeverisjen nga pozita ekzekutive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE dhe SHBA dënojnë dhunën në protestën para Bashkisë së Tiranës
-
FMN ul parashikimin për rritjen ekonomike të Shqipërisë këtë vit
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Çitaku, Kurtit: Do mbahesh mend si Kryeministri i Autonomisë Politike për serbët e pjesës Veriore
