Kryetari i Aleancës për Ardhmërinë e Kosovës (AAK), Ramush Haradinaj, sërish ka reaguar ndaj Qeverisë Kurti për masat anti-COVID, që sipas tij janë të pakuptimta.
“Organizata Botërore e Shëndetësisë del me vlerësimin se ndalimi i udhëtimeve nuk e parandalon përhapjen e virusit e Qeveria jonë i bllokon shqiptarët me hy në Kosovë, e ata që janë brenda i mbyll me orë policore në shtëpi!”
“Zbrit në tokë o kryeministër”, ka shkruar Haradinaj.
Sipas masave të reja anti-COVID, hyrja në territorin e Kosovës lejohet vetëm për personat që kanë tre doza të vaksinës anti-COVID dhe ata që kanë dy doza të vaksinës dhe testin PCR negativ.
Edhe, në seancën e Kuvendit të Kosovës, të enjten deputeti nga radhët e Partisë Demokratike të Kosovës, Memli Krasniqi është shprehur se ora policore ka qenë e panevojshme.
“Kufizimi i lirisë, lëvizjes e veçanërisht operimi me orë policore pothuajse i jep një konotacion metik virusit, thuajse aj del natën e bën kërrdin në Kosovë e ditën e ka pushim”.
Në anën tjetër, deputeti nga radhët e Aleancës për Ardhmërinë e Kosovës, Shemsedin Dreshaj, ka kërkuar nga Qeveria e Kosovës që ta bëjë obligativ vaksinimin kundër COVID-19
Ndërsa nga kryeqeveritari Kurti ka kërkuar, hapjen e kufijve të vendit në veçanti atij të Shqipërisë pasi që kërkimi i dozës së tretë të vaksinës në kufijtë e republikës së Kosovës nuk kontribuon në asgjë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Bislimi: Propozimet e Serbisë s’i pranoi as Lajçaku
-
Franca kërkon të përdorë sistemin e mbrojtjes ajrore të Greqisë për Lojërat Olimpike
-
Deputetja e LVV-së i bën thirrje prokurorisë ta hetojë ministrin Aliu për skandalin rreth ambalazhuesve të ujit