Kryetari i Aleancës për Ardhmërinë e Kosovës, Ramush Haradinaj përmes një postimi në Facebook është shprehur se kryeministri Kurti nuk ka pasur plan as për pandeminë e po ashtu as për ekonominë.
“Qeveria e Kosovës ashtu siç nuk kishte asnjë plan konkret për pandeminë, nuk ka asnjë plan as për ekonominë. E kemi theksuar edhe në konferencën për media për temën e Ekonomisë, që pakoja e ashtuquajtur e ‘Ringjalljes’, nuk e ka as fokus e as qëllim ekonominë”, deklaron Haradinaj.
Ai konsideron që pakoja e ringjalljes ka për qëllim “ringjalljen” e votuesve.
“Me masa tërësisht sociale, kjo pako ka të vetmin qëllim “ringjalljen” e votuesve, të cilët për pak muaj e kanë kuptuar që kanë votuar për mashtrim”, ka thënë Haradinaj.
Haradinaj tutje ka shkruar se sektori privat kërkon intervenim direkt nga shteti pasi është në vështirësi.
“Ekonomia e Kosovës, posaçërisht sektori privat është në vështirësi dhe kërkon intervenim direkt për rimëkëmbje nga shteti. Pavarësisht që para nesh janë zgjedhjet lokale, është nevojë emergjente të merremi me ekonominë”.
Ndërkaq shtoi se, “në të kundërtën, shteti, komunat dhe qytetarët do t’i vuajnë pasojat për shumë vite të ardhshme! Në mungesë të reflektimit të Qeverisë, ftoj partitë politike të përkushtohemi bashkërisht”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Izraeli nis sulmin kundër Iranit: Drone mbi bazën ajrore ushtarake në Isfahan
-
5000 vizitorë në 3 muaj, Rama: Shqipëria, destinacioni më i sugjeruar
-
Vala vdekjeprurëse e të nxehtit afrikan, “e pamundur” pa ndryshimet klimatike
-
Foto e shtypit botëror: Në ato fytyra të padukshme shprehet forca e dhimbjes