Ramush Haradinaj e ka ashpërsuar kritikën në raport me pasardhësin e tij në qeveri, Albin Kurtin.
Kryeministri aktual, sipas Haradinajt, “ka skenar për ta ndarë Kosovën”.
Në këtë përfundim, Haradinaj thotë se ka ardhur duke parë veprimet e fundit të Kurtit, aspak të koordinuara me aleatët kryesorë të Kosovës, veçanërisht Shtetet e Bashkuara të Amerikës.
“Kosova nuk guxon të veprojë pa u mbuluar se dihet rezultati”, tha Haradinaj në emisionin Debat Plus në RTV Dukagjini, derisa fliste për situatën e fundit të krijuar në veri pas vendimit të qeverisë për ta aplikuar shkallëzimin e dënimit për targat ilegale.
“Këto veprime nuk e kanë mbulesën e aleatëve tanë të sigurisë. Dështimi i Kurtit është se nuk e ka marr bekimin e Amerikës”, thotë Haradinaj.
Për ta sqaruar sa e rëndësishme është aleanca me SHBA-në, Haradinaj ka përmendur edhe kohën e luftës.
“Më 24 mars 1999 ka ndodhur mrekullia e Zotit”, deklaroi ai, duke iu referuar bombardimeve të NATO-s.
“Amerika i ka prirë NATO-s dhe kanë ndërhyrë në Kosovë duke e zmbrapsur regjimin e Milosheviç-it”.
Kreu i AAK-së ka shtuar se Kurti përveç ftohjes së aleancave, po dështon edhe në implementimin e ligjit në Veri.
“Ka pas tjerë që kanë mundur, por jo Kurti”, pohon ai, duke aluduar në kohën e tij si kryeministër, duke iu kthyer prapë raporteve me Amerikën.
“Amerika është hidhëruar me Qeverinë e Kosovës për dëmin që po ia bën vendit të vetë”.
Ish-komandanti i Ushtrisë Çlirimtare të Kosovës, s’ka harruar pa përmendur edhe kohnë e luftës, kohë në të cilinë Haradinaj tha që “Kurti zgjodhi të përfundojë në burgje” dhe “hezitoi t’i bashkohet UÇK-së”.
Përfundimisht, Haradinaj qasjen e kryeministrit e vlerësoi si të gabuar, duke thënë se “nuk mundet të shkojë kësaj rruge i vetëm”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it
-
Manja prezanton pr/ligjin: Lehtësohet procedura e cerfikimit për “Përkthyesit zyrtar”
-
Juristi i dytë i gjyqit të Trumpit u shkarkua ndërsa pengesat rriten gjatë procesit të përzgjedhjes
Lajmet kryesore
-
E ardhmja e Shqipërisë nuk është te njerëzit e përfshirë në korrupsion, thotë Wisner
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Spiunët e dyshuar rusë të arrestuar në Gjermani – Rast “serioz”, shtohen masat e sigurisë
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it