Përfaqësuesi i turqisë, Hakan Çalhanoglu, është në vitin e fundit të kontratës me Milan.
Ai po kalon periudhën e tij më të mirë në klubin kuqezi që nga transferimi në vitin 2017.
Çalhanoglu ka zhvilluar 30 ndeshje këtë sezon duke arritur të gjejë fundit e rrjetës gjashtë herë.
Ai ka asistuar për shokët e tij të skuadrës në 11 raste, duke qenë i pari në këtë aspekt për milanezët.
Për Hakan Çalhanoglu-n janë interesuar shumë skuadra, të cilat në rast se turki nuk e rinovon kontratën me skuadrën e Pioli-t, mund ta transferojnë me parametra zero.
Por, duket që pas disa muajve negociata, Milan dhe Çalhanoglu po arrijnë drejt marrëveshjes.
Fabrizio Romano raporton që sot Hakan Çalhanoglu ka takuar bordin e klubit, ku kanë diskutuar rreth kontratës së tij.
Negociatat po shkojnë mirë, dhe duket që përfaqësuesi i Turqisë do vazhdojë në “San Siro” edhe pas këtij sezoni.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
