Guvernatori i Bankës së Anglisë paralajmëron për goditjen më të madhe energjetike që prej viteve ’70-të
Guvernatori i Bankës së Anglisë (BoE) Andrew Bailey ka paralajmëruar se tronditja e të ardhurave të britanikëve nga rritja e çmimeve të energjisë do të jetë më e madhja që nga vitet 1970.
Kjo, për shkak të luftës në Ukrainë.
Lajmin e bën të ditur sektori financiar i Yahoo-s.
“Kjo është me të vërtetë një tronditje historike për të ardhurat reale”, u shpreh fillimisht Bailey.
Guvernatori anglez gjendej në një event të thirrur nga instituti i mendimit Bruegel në Bruksel.
Pushtimi i Ukrainës nga Rusia dhe sanksionet ekonomike kanë shkaktuar një rritje të madhe të çmimeve të naftës dhe gazit.
Çmimet e energjisë elektrike janë rritur me 19.2 për qind në Britani që nga prilli i vitit 2021, ndërsa çmimet e gazit janë rritur me 28.3 për qind vitin e kaluar.
BoE-ja ka ndërmarrë nisma të kujdesshme për të kontrolluar inflacionin duke shmangur një recesion të shkaktuar nga ngadalësimi ekonomik.
Në komentet e tij të para që nga rritja e normës së marsit, Bailey shtoi se banka qendrore ka filluar të shohë prova të një ngadalësimi të rritjes ekonomike të Mbretërisë së Bashkuar.
Ndërsa kostoja e jetesës është vendosur të rritet ndjeshëm këtë vit, guvernatori parashikon që ulja e shpenzimeve mund të ndihmojë në zbutjen e inflacionit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
5 të vdekur pas një sulmi izraelit në Bregun Perëndimor
-
Kalaja e Kaçanikut – Përplasja nëpër gjykata e vë në rrezik ekzistencën e një prej objekteve më të rëndësishme të Shekullit 16
-
Kryemadhi mesazh Metës para mbledhjes: Çdo përjashtim është mbyllje e partisë, hiq dorë nga përjashtimet
-
PDK-ja kërkon zgjedhje sa më shpejt: Kosova është në stagnim të plotë
Lajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Kryemadhi mesazh Metës para mbledhjes: Çdo përjashtim është mbyllje e partisë, hiq dorë nga përjashtimet
-
Çmimi i naftës rritet pas goditjes raketore të Izraelit ndaj Iranit
-
PDK-ja kërkon zgjedhje sa më shpejt: Kosova është në stagnim të plotë