Guardiola: Nuk e di nëse Bernardo Silva do të largohet

Trajneri i Manchester City-t, Pep Guardiola, ka pranuar se nuk e di nëse Bernardo Silva do të qëndrojë në klub përtej fundit të afatit kalimtar.

Silva kërkohet nga Barcelona dhe ndonëse Guardiola këmbëngul se dëshiron që mesfushori portugez të qëndrojë në Etihad Stadium, ai thotë se dëshiron vetëm të mbajë lojtarët “të lumtur”.

City nuk ka marrë ende një ofertë për Silvën, por Guardiola po refuzon të përjashtojë largimin e tij përpara afatit të 1 shtatorit.

“Dëshira e lojtarëve është gjëja më e rëndësishme”, tha Guardiola në një konferencë për shtyp të premten. “Unë dua që lojtarët të jenë të lumtur. Sigurisht që dua që Bernardo të jetë këtu, por nuk e di se çfarë do të ndodhë, sinqerisht nuk e di”.

“Ajo që do të ndodhë do të ndodhë dhe nëse në fund ai duhet të largohet, kjo është sepse futbolli është i tillë dhe unë nuk do të jem një person që të ndalë dëshirat e njerëzve. Kur je futbollist është kaq e shkurtër”, përfundoi Guardiola.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.