Qeveria greke miratoi dekretin për zgjerimin e ujërave territoriale me 12 milje në detin Jon. Konventa Ndërkombëtare e Kombeve te Bashkuara për Ligjin e Detit e përfunduar në Montego Bay në Dhjetor 1982, lejon ushtrimin e juridiksionit dhe sovranitetit brenda asaj që quhet Zonë Ekonomike Ekskluzive (EEZ), shtetit i cili ka firmosur Konventën.
Zona Ekonomike Ekskluzive është pjesa e detit ngjitur me ujërat territoriale, e cila shtrihet deri në 200 milje nga vijat bazë nga ku matet gjerësia e detit territorial.
Ky vendim vjen dy muaj pas 20 tetor-it, ku Kryeministri Edi Rama njoftoi se marrëveshja mes Shqipërisë dhe Greqisë për 12 miljet detare do të shqyrtohet nga Gjykata Ndërkombëtare e Drejtësisë në Hagë në bazë të së drejtës ndërkombëtare të detit.
“Qeveria greke po i dërgon kështu një mesazh Turqisë pas dritës jeshile për shtrirjen e ujërave territoriale nga gjashtë në 12 milje detare në ishujt Jon dhe në Kepin Tainaro në Peloponez”, shkruan media greke “Protothema”.
Ajo shton se përcaktimi i Zonës Ekonomike Ekskluzive në Detin Jon, i hap rrugën zgjidhjes së mosmarrëveshjeve mes Greqisë dhe Shqipërisë për ndarjen e kufirit detar në Gjykatën Ndërkombëtare të Drejtësisë në Hagë.
Kryeministri Edi Rama, në reagimin e tij në twitter pasi Greqia dekretoi zgjerimin në detin Jon, theksoi se “nuk është shitur det te Greqia, por ajo po ushtron të drejtën e saj, ashtu siç vendi ynë e ka ushtruar që në ’90-tën”.
Rama paraqiti dokumentin e vitit 1990, ku Shqipërisë i njihet e drejta për zgjerimin detar deri në 12 milje, sot akoma në fuqi në regjistrin e Organizatës së Kombeve të Bashkuara.
“As pala greke s’kishte çfarë kontestonte atëherë, as ne s’kemi çfarë te kontestojmë tek vendimi i Greqisë!”, shkruan Rama teksa kujton se pavarësisht se vendimi i fundit është e drejtë e tyre, çështja e detit mes Shqipërisë dhe Greqisë është në Hagë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zhdukja e 3-vjeçarit në Durrës/ Pas gjyshit, një tjetër i arrestuar
-
Prokuroria e Shkodrës sekuestron 97 automjete, llogari bankari dhe biznese të Ago Gjolajt – I akuzuar për pastrim parash
-
Lulzim Basha kallëzon në SPAK Lindita Nikollën – Riktheu deputetët e përjashtuar
-
BE mbështetje Shqipërisë për ngritjen e rrjetit hekurudhor, kosto për dy segmentet 420 mln euro
Lajmet kryesore
-
“Qeveri e korruptuar; shkoni në shpi; të krijohet Komision Hetimor Parlamentar” – Reagime të shumta pas raportimit të AP-së për hajninë multi-milionëshe të Liburn Aliut dhe Naser Hafizit
-
Lulzim Basha kallëzon në SPAK Lindita Nikollën – Riktheu deputetët e përjashtuar
-
Sulme të pandëshkuara të kolonëve kundër palestinezëve dhe ndërtime të reja në Bregun Perëndimor
-
Çështja dinari: Bislimi e Petkoviç për herë të katërt takohen në Bruksel
