Greqi: Arrestohen tetё persona pjesё e trafikut tё narkotikёve dhe armёve/Midis tyre gjashtё shqiptarё

“Goditet nga Nën-Drejtoria e Sigurisë së Athinës njё bandë që trafikonte drogë, furnizonte armë dhe kryente vjedhje në Atikë”, transmeton News.Gr.

Sipas policisë greke, operacioni dy-ditor u krye në Atikë dhe Korint. Si anëtarë të organizatës kriminale u arrestuan një 25-vjeçar grek dhe gjashtë shqiptarë, të moshës midis 27 dhe 38 vjeç.

Të arrestuarit akuzohen për vrasje, dhunë ndaj punonjësve tё policisё, armёmbajtje pa leje, pastrim i parave.

Në mes tё arrestuarve ёshtё dhe një grua nga Shqipëria e akuzuar për shkelje të legjislacionit tё armëve dhe substancave narkotike. I bashkë-akuzuar në të njëjtën çështje është dhe një i huaj 32-vjeçar, i identifikuar dhe në kërkim.

Vihet re se gjatë operacionit të policisë, një 34-vjeçar ishte vendosur në një zonë të Korintit duke drejtuar një makinë dhe për të shmangur arrestimin, ai zhvilloi shpejtësi dhe ra mbi një oficer policie që e plagosi atë. Por më pas ai u gjet nga oficerët e policisë të AD. Korintasve që ishin thirrur për të ndihmuar dhe u arrestua.

Sipas Policisë, 32-vjeçari në kërkim dhe udhëheqësi 38-vjeçari i arrestuar i organizatёs janë gjithashtu autorë tё një tentative vrasjeje, më 26 shkurt 2021, në zonën e Agios Panteleimon. Gjithashtu 38 vjeçari ёshtё i pёrfshirё dhe në një rast tё njё pёrndjekje nga oficerët e policisë të Grupit DIAS, më 20 dhjetor në Kypseli, pasi një kallashnikov i’u gjet në një makinë.

Nga hetime tё mёparshme rezultojnё dhe tre raste të vjedhjes së automjeteve dhe targave, 260 raste të posedimit, të kokainës dhe kanabisit.

Gjatë kontrolleve të policisë, u gjetën dhe u konfiskuan: pushkë kallashnikov, 2 pistoleta, një karabinë, 226 gëzhoja të kalibrit të ndryshëm, 468 gramё kanabis, 5 gram kokainë, një laborator i pajisur plotësisht për kultivimin e kanabisit hidroponik me 6 fidanë, dhe 3 topa elektronikë.

Sipas Policisë Greke, të gjithë të akuzuarit janë arrestuar në të kaluarën për krime të ngjashme. Të arrestuarit u dërguan në Prokurorinë Publike të Athinës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.