Basketboll: Golden Eagle Ylli shënon fitore të lehtë ndaj Bashkimit në çerekfinalen e dytë të “play-of”-it
Golden Eagle Ylli ka shënuar fitore ndaj Bashkimit në Prizren me shifrat 76:89, në çerekfinalen e dytë të “Play-off”-it në Five Star Superligën e Kosovës në basketboll.
Pasi kishte humbur ndeshjen e parë, Ylli e nisi ndeshjen më mirë, duke krijuar epërsi prej 10 pikësh në çerekun e parë, që përfundoi 15:25.
Therandasit vazhduan me lojë të mirë edhe në periudhën e dytë, duke ngritur epërsinë deri në 20 pikë, 30:50, kurse skuadrat shkuan në pushim me rezultat 34:55.
Ekipi nga Theranda kontrolloi lojën edhe në pjesën e dytë, përkundër tentimeve nga prizrenasit që të bëjnë përmbysjen, por kjo nuk ndodhi edhe Golden Eagle Ylli triumfoi në fund 76:89, duke barazuar serinë çerekfinale në 1:1.
Te Bashkimi u dalluan Musab Mala me 30 pikë e 5 asistime dhe Obinne Oleka me 20 pikë e 15 kërcime.
Kurse te Golden Eagle Ylli më të mirët ishin Valon Bunjaku me 20 pikë, 12 kërcime e 11 asistime, Lg Gill me 27 pikë e 8 kërcime dhe Erjon Kastrati me 19 pikë.
Ndeshjet çerekfinale u barazuan në 1:1 dhe në ndeshjen e ardhshme në Therandë do të vendoset se kush do të kualifikohet në gjysmëfinale, ku i pret Rahoveci.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dialogu politik dhe çështjet rajonale në fokus të takimit Hasani-Milanoviç
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Ku mund ta zhvendosë Hamasi degën e tij politike?
-
Shpërblehet përsëri “Apetit SH.P.K”, Komuna e Podujevës i jep tenderë për furnizim me mëshqerra