Ambasadori i Serbisë në SHBA, Marko Gjuriç, të shtunën ka organizuar një darkë gala në Uashington për disa anëtarë të njohur të Kongresit amerikan dhe ish-emisarin e Shtëpisë së Bardhë për dialogun Kosovë-Serbi, Richard Grenell, raporton agjencia e lajmeve serbe Tanjug.
Sipas Tanjug, Gjuriç shprehu mirënjohjen e tij për të mbledhurit për letrën e mbështetjes për Serbinë dhe rëndësinë që ata i kushtojnë përmirësimit të mëtejshëm të marrëdhënieve me Serbinë.
“Sonte, me ardhjen tuaj, ju dërguat mesazhe miqësie, respekti dhe mbështetjeje për Serbinë, mesazhe respekti për rezultatet e Serbisë në vitet e fundit dhe mesazhe të afirmimit të rrugës që po ecën Serbia si një partner i besueshëm dhe shtyllë e stabilitetit në rajon”, tha Gjuriç.
“Së bashku, ne ripohojmë rëndësinë e marrëdhënieve shekullore midis Serbisë dhe Shteteve të Bashkuara, dhe aspiratat tona të ndërsjella për të vazhduar të rrisim nivelet e bashkëpunimit dhe të ndërtojmë shtigje të reja të miqësisë së vjetër midis dy popujve tanë në 140 vitet e ardhshme”.
Ndryshe gjatë majit të kaluar, Gjuriç, pati thënë se grupi i miqve të Serbisë në Kongresin amerikan po rritet dita ditës.
“Ne do të kemi mundësinë të shohim se deri në fund të vitit kur letra e kongresit për mbështetjen e Serbisë do të mbështetet nga pakrahasueshëm më shumë anëtarë të Kongresit sesa letrat që pohojnë qëndrime të caktuara të Prishtinës apo biznesmenë të cakktuar nga Beogradi”, kishte thënë Gjuriç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Kallëzimi i pabërë i Bardhit iu shit si sapun për djath italianëve
-
Petkoviç: Serbia dëshmoi konstruktivitet, por Kosova s’dëshiron zgjidhje
-
Serbia propozoi që strukturat ilegale serbe të financohen deri në krijimin e Asociacionit, thotë Bislimi
-
Sa shpejt mund të ndalohet TikTok teksa Kongresi miratoi projektligjin?
Lajmet kryesore
-
Rama: Kallëzimi i pabërë i Bardhit iu shit si sapun për djath italianëve
-
Serbia propozoi që strukturat ilegale serbe të financohen deri në krijimin e Asociacionit, thotë Bislimi
-
Kush është shefi kur bëhet fjalë për mbrojtjen: NATO apo BE?
-
As në takimin e pestë s’ka marrëveshje për dinarin – Lajçak del me një propozim të ri