Presidenti i Malit të Zi, Milo Gjukanoviç, do ta vazhdojë vizitën zyrtare në Kosovës edhe këtë të enjte të 19 majit.
Në ditën e dytë të vizitës së tij në Kosovë, presidenti malazez do të takohet dhe me përfaqësues të partive opozitare.
Gjukanoviç do të vizitojë bazën e KFOR-it, do të mbajë një ligjëratë në Kolegjin AAB dhe do të marrë pjesë në Forumin e Biznesit të organizuar nga Konsulli i Nderit i Malit të Zi në Kosovë.
Ai i shoqëruar nga presidentja e Kosovës, Vjosa Osmani, do të marrin pjesë edhe në manifestimin “Ditët e malazezëve në Kosovë” organizuar nga Shoqata e Malazezëve “Lovćen”, ku do t’u jepet fjala.
Të mekurën e 18 majit, Gjukanoviç, është pritur me nderime të larta shtetërore nga homologja e saj Vjosa Osmani, në sheshin Ibrahim Rugova në Prishtinë.
Presidenti malazez në një konferencë të përbashkët për media pas takimit me homologen e tij kosovare, Vjosa Osmani, ka treguar qëndrimin e Malit të Zi karshi iniciativës të Ballkanit të Hapur, i cili në një farë mënyrë nuk përkon me qëndrimin e kryeministrit malazez, Dritan Abazoviç, lidhur me këtë temë.
Në pjesën tjetër të konferencës për media, Gjukanoviç e Osmani kanë folur kryesisht për raportet e shkëlqyera që Mali i Zi e Kosova kanë si dy shtete fqinje. Përtej se miqësi, u tha se janë edhe “të bazuara në objektivat strategjike në mes të dy vendeve tona”.
Po ashtu, zëvendëskryeministri i Kosovës, Besnik Bislimi, ka pritur në takim presidentin Gjukanoviç të enjten e 18 majit.
Përmes një shkrimi në rrjetin social ‘Facebook’, Bislimi ka thënë se të dy kanë diskutuar për Kosovën dhe të ardhmen e saj.
Edhe kryetari i Kuvendit të Kosovës, Glauk Konjufca, i shoqëruar nga këshilltarët, ka pritur në takim presidentin Gjukanoviç.
Në takim u diskutua për aktualitetin politik, zhvillimet në rajon, agresionin rus në Ukrainë, si dhe për thellimin e bashkëpunimit ndërshtetëror dhe shtimin e intensitetit të aktiviteteve ndërparparlamentare ndërmjet Republikës së Kosovës dhe Republikës së Malit të Zi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Balla takon Presidentin e Emirateve, në fokus zgjerimi i bashkëpunimit në fushën e sigurisë
-
Bajrami demanton Krasniqin: Grantin e performancës as nuk e gjetët të anuluar e as me kredibiltet të dëmtuar
-
Refik Halili ngre padi kundër shitjes së aksioneve të tij në ankand
-
BQK: Vlera e kredive të reja për muajin mars arriti gati 300 milionë euro
Lajmet kryesore
-
Rama i përgjigjet sërish Rai-t: Mos bini pre e gabimit të parë, mbylleni këtë faqe jo të lavdishme
-
Balla takon Presidentin e Emirateve, në fokus zgjerimi i bashkëpunimit në fushën e sigurisë
-
Senati amerikan miraton paketën historike për Ukrainën, Izraelin dhe Tajvanin
-
Qytetarët e Maqedonisë së Veriut u drejtohen kutive të votimit – nuk raportohet për asnjë parregullsi në procesin zgjedhor