Gjithçka rreth organizimit të dasmës në mes të çiftit, Jannie Mai dhe Jeezy

Stilistja dhe drejtuesja televizive, Emmy Jeannie Mai, rep artisti Jay Wayne Jenkins i njohur si Jeezy, u martuan në një ceremoni intime në shtëpinë e tyre në Atlanta në fund të muajit mars, një vit pas fejesës së tyre.

Fillimisht, çifti u takua kur Jeezy ishte mysafir në emisionin e Mai, “The Real”.

“Vite më vonë, ai më pyeti për një takim”, kujton Jeannie. “Ne ndamë një darkë romantike me sushi në Los Angeles. Më vonë atë mbrëmje, ai më pyeti nëse mund të fotografoja duke kaluar pjesën tjetër të jetës sime me të. Dhe çmendurisht, pranova”, tha Mai për magazinën Vogue, transmeton Albanian Post.

Në Mars të vitit 2020, çifti u detyrua të anulonte një udhëtim të planifikuar në Vietnam, ku pa e ditur Jeannie, Jeezy kishte planifikuar t’i propozonte martesë.

Në vend të kësaj, ai krijoi një natë speciale karantine me temë Vietnami, për nder të vendit të saj në shtëpinë e tij në Los Anxhelos që përfundoi me pyetjen e famshme “A do të martohesh me mua”, ndërsa ajo nuk hezitoi dhe tha “Po”.

Çifti dëshironte të martohej në Liqenin Como ose në Jug të Francës.

“Ne me të vërtetë po prisnim të kishim të gjithë miqtë dhe familjen tonë atje për të festuar,” thotë Jeannie.

“Por na u desh të ndryshonim të gjitha planet tona të dasmës për shkak të COVID. Pasi nëna e Jeezy-t vdiq papritur, ne mësuam shpejt se jeta është shumë e shkurtër. Dhe në fund të ditës, Jeezy dhe unë me të vërtetë dëshironim të bëheshim burrë dhe grua. Kështu që ne vendosëm ta shndërronim dasmën tonë të menduar në një festë të vogël, ku shkëmbyem zotimet tona përpara familjes sonë të ngushtë dhe disa miqve të ngushtë”, tha Emmy Jeannie Mai.

Për ta bërë ngjarjen e tyre sa më të sigurt për të gjithë të pranishmit, ata kërkuan rezultate negative të testit COVID-19, nga ata që udhëtonin brenda dy ditësh para dasmës. Përveç kësaj, në ditën e ceremonisë, ata ofruan teste COVID-19 për të gjithë të pranishmit.

“Sapo të gjithë u testuan dhe konfirmuan rezultatet negative, mysafirët tanë u transferuan në shtëpinë tonë”, tha moderatorja televizive.

Çifti punoi me Suzanne Reinhard për të planifikuar gjithçka, nga e cila u ndanë mjaft të kënaqur.

Në anën tjetër, Jeannie, gjithmonë kishte ëndërruar që fustanin ta vishte nga duart e Galia Lahav, dhe konceptimi i pamjes ishte një nga pjesët e saj të preferuara të procesit të planifikimit të dasmës.

“Unë bashkëpunova me stilisten time Lisa Cera dhe atelien Galia Lahav për të hartuar me porosi shtresat dhe ngjyrën e përsosur. Rezultati ishte më madhështor se që e prisja”, tha Jeannie.

Jeezy gjithashtu dëshironte një dizajn të personalizuar për ditën e dasmës, kështu që ai thirri rrobaqepësin e tij të preferuar, Teofilo Flor dhe stilisten Kris Shelby për të krijuar një kostum ngjyrë roze të hapur, që parashikonte forcë dhe sofistikim.

Ndërkohë, të ftuarve iu kërkua të vishnin të bardha, një ngjyrë që, për çiftin, përfaqëson paqen në bashkimin e tyre.

Shërbimi u zhvillua në kopshtin e hapur në shtëpinë e çiftit përkundër një sfondi drurësh manjolie, thuprash dhe panje – një mjedis që ishte intim dhe familjar.

“Kudo kishte qirinj të gjatë qelqi që ndriçonin rrugën, dhe ne kishim një grup live, Trap Jazz, duke interpretuar këngët tona të preferuara”, shtoi Emmy.

Ndërsa mbërritën mysafirët, celularët u kontrolluan në derë përpara se të gjithë të zbrisnin poshtë në kopshtin e hapur.

Pasi secili anëtar i familjes shkoi nëpër korridor, babai i dhëndrit vuri një trëndafil të vetëm rozë në një vend të rezervuar për të ndjerën, Sharon Denise Jenkins, nënën e Jeezy.

John Maxwell , priti në altar ndërsa Jeezy shkoi drejt tij i shoqëruar me tingujt e këngës “I Can’t Stop Love You You” nga Kem.

Por, nusja kishte zgjedhur një këngë tjetër. “How deep is your love” nga Bee Gees, ishte kënga përcjellëse e Jeannie-s.

Çifti më pas kryen edhe ritualet vietnameze.

“Në këtë ceremoni, ne i nderuam prindërit tanë duke derdhur çaj si një gjest për të mirëpritur Jeezy në familjen time, dhe mua në të tijën. Pastaj ne u bëmë respekt prindërve dhe paraardhësve tanë duke u përkulur katër herë, secili simbolizon një dhuratë të rëndësishme në jetën që na kanë siguruar”, shtoi prezantuesja e emisionit “The Real”.

Pas ceremonisë së çajit, çifti shkëmbyen zotimet e përkushtimit dhe më pas i vulosën të gjitha me një puthje.

Më pas, Jeezy befasoi Jeannie duke i kërkuar Tyrese serenatë për kërcimin e tyre të parë me këngën “Sweet Lady”.

Natën e kaluan duke treguar histori qesharake dhe duke u kënaqur deri në lindje të diellit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.