Miratimi për ndërtimin e 780 banesave izraelite në zonën e West Bank-ut, ka ngritur shqetësim në radhët e Qeverisë Gjermane.
“Vazhdimi i punës me ndërtimin e godinave të banimit është në shkelje të ligjit ndërkombëtar dhe rezolutave të Këshillit të Sigurisë së Kombeve të Bashkuara”, shkruhet në deklaratën e Ministrisë së Jashtme të Gjermanisë.
Ky vendim e bën negocimin midis Izraelit dhe Autoritetit Palestinez shumë të vështirë. Ka pasur thirrje edhe “për ndalimin e menjëhershëm të punës nga autoritetet izraelite. Vetëm kështu mund të rivendoset një stabilitet në rajon”.
Sipas një amendamenti të 4 qershorit 1967, vendime të tilla mund të ndërmerren vetëm me dakordësim dypalësh. Izraeli dhe Autoriteti Palestinez duhet të futen në dialog dhe të miratojnë këtë projekt.
“Gjermania është e përgatitur të mbështesë procesin e dialogut”, thuhet në deklaratë. “Do të bashkëpunojmë me Francën, Jordaninë dhe Egjiptin për të zgjidhur konfliktin”.
Nëpërmjet dialogut, garantohen dy gjëra themelore për zgjidhjen e konfliktit në Lindjen e Mesme: Siguria e Izraelit mbetet e pacënuar dhe të drejtat e palestinezëve të respektohen.
West Bank-u (Bregu Perëndimor) është një zonë problematike, e cila ka shkaktuar mjaft konflikte ndër vite. Rreth 2.4 milionë palestinezë jetojnë në atë zonë. Ndërkohë, janë edhe mbi 450 mijë izraelitë që janë zhvendosur dhe kanë zhvilluar jetën e tyre aty./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Misteri i miliarderit gjerman që u zhduk në Matterhorn 6 vjet më parë
-
SHBA bën thirrje për de-përshkallëzim pasi zyrtarët thonë se raketa izraelite godet Iranin
-
Çmimi i naftës rritet pas goditjes raketore të Izraelit ndaj Iranit
-
Arrestohet shtetasi në Paris, kërkoi të hedhë veten në erë në konsullatën iraniane
Lajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Italia, BE dhe SHBA dënojnë dhunën në protestën para Bashkisë së Tiranës
-
Çmimi i naftës rritet pas goditjes raketore të Izraelit ndaj Iranit
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët