Të Dielën në 28 Shkurt, u mbajt një takim brenda kryesisë së lartë për të vendosur mbi të ardhmen e ‘Movimento 5 Stelle’ (M5S), e cila tani është e lidhur ngushtë me atë të ish-Kryeministrit.
Në takim morën pjesë, përveç Conte-s, garantuesi i Lëvizjes Beppe Grillo, Ministri i Jashtëm Luigi Di Maio, Presidenti i Dhomës Roberto Fico, Senatorja Paola Taverna, lideri politik Vito Crimi dhe deputetët Alfonso Bonafede dhe Riccardo Fraccaro.
Conte pranoi ftesën e Grillo-s
Plani i Grillo-s ishte i ditur: të hiqte përsëri Conte-n nga karrigia akademike, për ta vendosur këtë herë në krye të Cinquestelle. Pasiguria lidhej vetëm me rolin zyrtar që do t’i jepte Conte (për ta rivendosur apo jo figurën e liderit politik) dhe, mbi të gjitha, me dëshirën e Conte-s për ta marrë një rol të tillë.
Pika e parë nuk është sqaruar ende, ndërsa nuk ka më dyshime për të dytën.
Faqja në Facebook e M5S, menjëherë pas përfundimit të takimit, shkruajti në fakt se Giuseppe Conte ka pranuar ftesën për të zhvilluar një projekt me Cinque Stelle në ditët në vijim.
Ish-kryeministri, i cili të Premten pasdite u kthye për të marrë rolin e profesorit të drejtësisë në një lectio magistralis të organizuar nga Universiteti i Firences në transmetim të drejtpërdrejtë, do të kthehet për të luajtur një rol kryesor në peizazhin politik Italian.
Funksioni i udhëheqësit politik të M5S, për shembull, do ta lejojë atë të hyjë në tratativa me Draghi-n si udhëheqës i forcës relative të shumicës së Parlamentit.
Sidoqoftë, kjo lëvizje rrezikon të përplaset me modifikimin e fundit të Statutit i cili shfuqizoi pozicionin e Shefit Politik për të prezantuar organin e ri kolegjial të Drejtorisë, i përbërë nga 5 personalitete që do të zgjidheshin mbi Ruson.
Për të kapërcyer këtë pengesë, duhet kaluar një votim i ri në platformë, i cili, megjithatë, nuk duhet të hasë në shumë vështirësi duke pasur parasysh shkallën e lartë të konsensusit midis militantëve ndaj Conte-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
