I ngarkuari me punë në Ambasadën e SHBA-ve në Kosovë, Nicholas J. Giacobbe ka deklaruar se për Shtetet e Bashkuara të Amerikës (SHBA), sovraniteti i Republikës së Kosovës është i pacenueshëm.
Giacobbe këtë e ka thënë gjatë takimit që ka zhvilluar me Presidenten e Kosovës, Vjosa Osmani të martën e 28 shtatorit.
Ai tutje ka shtuar se dialogu mes Kosovës dhe Serbisë është mënyra e duhur për të vazhduar tutje.
Në takimin mes Omanit dhe Giacobbe është diskutuar situata në vend pas vendimit të qeverisë për tabelat e përkohshme si masë reciproke me Serbinë, thuhet në njoftimin e Presidencës.
Presidentja Osmani ka theksuar se Serbia po tenton ta destabilizojë situatën, gjë që sipas saj është në vazhdën e përpjekjeve ruso-serbe për zhbërjen e të arriturave të SHBA-ve, BE-së, dhe NATO-së në Kosovë dhe rajon.
Në këtë kontekst, Osmani ka thënë se vendimi i institucioneve të Republikës së Kosovës për zbatimin e reciprocitetit me tabela është i ligjshëm. Ajo sipas njoftimit të presidencës thuhet se ka potencuar faktin se zbatimi i kësaj mase nga institucionet e Kosovës është në përputhje të plotë me Marrëveshjen e akorduar mes palëve në Bruksel, por e cila nuk është zbatuar nga ana e shtetit serb.
Osmani i ka bërë të qartë z.Giacobbe se Kosova në asnjë moment nuk ka qëllim të eskalojë situatën dhe se institucionet e saja janë të përkushtuara në rend dhe ligj duke mbrojtur secilin qytetarë të vendit.
Ndërsa sa i përket dialogut, Presidentja Omani i ka konfirmuar z.Giacobbe se Kosova mbetet e përkushtuar për vazhdimin e dialogut si palë e barabartë.
Takim i Presidentes Osmani me të ngarkuarin amerikan me punë, Giacobbe vije një ditë para takimit në Bruksel mes kryenegociatorëve të Kosovës dhe Serbisë, ku do të jetë i pranishëm edhe një nga zyrtarët e SHBA-ve përveç ndërmjetësuesit të BE-së, Miroslav Lajçak.
Takimi i paraparë për të mërkurën e 29 shtatorit është thirrur nga be, pas situatës së tensionuar në veri të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Gjermania kërkon që Kosova ta dërgojë në Kushtetuese Asociacionin nëse do anëtarësim në KiE
-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë