Ministrja e Punëve të Jashtme e Kosovës, Donika Gërvalla i ka dalur në mbrojtje ministrit të Bujqësisë, Faton Pecit pas debatit që zhvilloi me deputeten nga radhët e Partisë Demokratike të Kosovës (PDK), Ganimete Musliu.
Gërvalla këtë të fundit e ka përshkruar me disa fjali, përmes një postimi në rrjetin social ‘Facebook’.
“Guximtar mendjemprehtë. Imun ndaj provokimeve të shëmtuara, i urtë në fjalë, shumë i vendosur në punë”, ka shkruar Gërvalla.
Ajo ka kujtuar edhe ndryshimet që janë premtuar në zgjedhjet e 14 shkurtit.
“Ndërtimi i shtetit ligjor dhe reformimi i institucioneve janë bërthama e ndryshimit të premtuar në zgjedhjet e 14 shkurtit”.
Në diskutimin në mes të Ministrit Peci dhe deputetes Musliu, kjo e fundit është ngritur nga tavolina duke e quajtur ministrin “rrugaç”, derisa e ka gjuajtur me ujë atë.
Kjo situatë ka bërë që mbledhja e Komisionit për Mjedis, Ushqim, Bujqësi, Planifikim dhe Zhvillim të ndërpritet.
Situata në mes të tyre është acaruar pas akuzave që ministrit Peci ka bërë në drejtim të deputetes Musliu.
“Ti e përfaqëson krimin. Ajo pjesa e krimit në Ministrisë së Bujqësisë ka një mbështetje politike dhe kjo pi bije që je ti ajo zyrtare që je në prapavijë”, ka thënë Peci.
“Ndash më gjuani me ujë e ndash me plumba, nuk ka birë nëne që e ndal Faton Pecin”, iu është kundërpërgjigjur ministri pas hedhjes më ujë nga deputetja Musliu.
Ndërsa, deputetja e Partisë Demokratike të Kosovës, Ganimete Musliu pas incidentit që ka pasur me Ministrinë e Bujqësisë, Faton Peci në Komisionin për Mjedis, Ushqim, Bujqësi, Planifikim dhe Zhvillim, në një konferencë të jashtëzakonshme për media ka bërë të ditur se do e padis Ministrin Peci për shpifje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Asociacioni të bëhet pas anëtarësimit të Kosovës në Këshillin e Evropës, thotë Serwer
-
Gërvalla përkujton Sali Çekajn: Natyrë e butë ashtu si Ibrahim Rugova – gjithmonë gati të flijohej për lirinë e shqiptarëve
-
Një 20 vjeçar theret me thikë nga një 17 vjeçar në Ferizaj
-
Sulm i dyshuar izraelit ndaj Iranit, SHBA mohon përfshirjen