Futbollisti Gerard Moreno, ka hyrë në historinë e Villareal-it, duke u bërë golashënuesi më i mirë në historinë e klubit.
Me dy golat e realizuar mbrëmjen e së mërkurës ndaj Young Boys, në ndeshjen e grupeve të Ligës së Kampionëve, Moreno arriti shifrën e 85 golave me “nëndetësen e verdhë”.
Kështu spanjolli 29-vjeçar ka lënë prapa legjendën e klubit Villareal, Giuseppe Rossi-n me 82 gola në vendin e dytë, Diego Forlan në vendin e tretë me 58 gola, në vendin e katërt Santi Cazorla me 57 dhe Cedric Bakambu në vendin e pestë me 47 gola.
Kujtojmë që Moreno këtë shifër të golave e arriti në dy periudha me skuadrën e Villareal-it.
16 gola kishte shënuar në sezonet 2013 deri më 2015, pastaj u transferua te skuadra e Espanyol-it, ku luajti për tri vjet.
Më pas Villareal e bleu përsëri sulmuesin që e rriti në akademinë e tij, për shumën e 20 milionë eurove, i cili tani po gëzon formë të mirë, duke realizuar 66 gola në të gjitha garat.
Gjithashtu ai ka fituar edhe një vend te kombëtarja e Spanjës, ku deri më tani është ftuar në 17 takime zyrtare, prej të cilave ka shënuar edhe pesë gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Bislimi: Propozimet e Serbisë s’i pranoi as Lajçaku
-
Franca kërkon të përdorë sistemin e mbrojtjes ajrore të Greqisë për Lojërat Olimpike
-
Deputetja e LVV-së i bën thirrje prokurorisë ta hetojë ministrin Aliu për skandalin rreth ambalazhuesve të ujit