Gazetarja e Albanian Post, Annamorea Tiara Nixha, pjesë e jurisë në Festivalin Ndërkombëtar të Teatrit në Prishtinë
Gazetarja e Albanian Post, Annamorea Tiara Nixha, do të jetë pjesë e jurisë prej gjashtë anëtarëve në Festivalin Ndërkombëtar të Teatrit “Burbuqe Berisha” – PITF, që do të mbahet nga 10 deri me 16 maj në Prishtinë.
Hapja solemne do të bëhet ne orën 20:00, derisa pjesëmarrës do të ketë nga vendet e Ballkanit dhe Evropës.
Disa nga pjesëmarrësit do të jenë nga Spanja, Italia, Maqedonia e Mali i Zi. Derisa do jenë edhe dy shfaqje nga Kosova.
Juria profesionale është e ndarë në dy grupe, me grupin e parë të përbërë nga regjisori, Isa Qosja, publicisti, Halil Matoshi dhe producenti nga Bosnja dhe Hercegovina, Zijad Mejiç.
Kurse, në grupin e dytë të jurisë, atë të anëtarëve nga mediat, nga televizioni ATV do të jetë Drin Ejupi, nga Albanian Post, Annamorea Tiara Nixha dhe nga Fakte Plus, Basi Shala – Virusi.
Një nga shfaqjet që do të jepet për gjatë javës së festivalit, me 15 maj, do të jetë edhe shfaqja “Muslimani” e luajtur dhe nën regji të aktorit Enver Petrovci.
Ditën e fundit, me 16 maj, do të bëhet edhe ndarja e çmimeve, me fillim në orën 22:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com