Gazetare që bënë punën e tyre, duke denoncuar para botës atë që i kishte ndodhur Mahsa Amini-t, 22-vjeçares kurde e arrestuar nga policia morale iraniane për mosmbajtjen e duhur të hixhabit.
Nga e gjithë bota, njerëzit u mobilizuan më pas në solidaritet me gratë iraniane, por shumë pak u fol për ata që treguan faktet.
Niloofar Hamedi, gazetarja që publikoi për herë të parë foton e prindërve të Mahsa-s të përqafuar jashtë repartit ku ajo ishte shtruar dhe kolegia e saj Elahe Mohammadi, e cila tregoi për funeralin e të resë, të dyja janë arrestuar dhe përballen me dënimin me vdekje.
Bashkëshorti i Hamedi-t pak javë më parë kishte denoncuar transferimin e gruas së tij në burgun Evin, në veri të Teheranit, ku ajo ishte e mbyllur në izolim.
Avokati i gazetares, e cila punonte për të përditshmen pro-reformiste “Sharq”, shtoi se akuzat ndaj saj as nuk dihen.
Hamedi u arrestua pasi postoi në Twitter foton e prindërve të Mahsa-s.
Me atë foto, ajo ishte gazetarja e parë që raportoi para botës se çfarë kishte ndodhur me 22-vjeçaren, në atë moment në pushime me familjen e saj në Teheran.
Nga ana tjetër, Hohammadi kishte ndjekur funeralin e 22-vjeçares për gazetën “Ham Mihan”, i cili u mbajt në Saqqez, në provincën iraniane të Kurdistanit.
Gjatë ceremonisë, disa gra hoqën hixhabët e tyre në shenjë kundërshtimi ndaj kodit të veshjes së Republikës Islamike.
Bashkëshorti i gazetares më vonë raportoi në Twitter se forcat e sigurisë hynë në shtëpinë e tyre dhe se gazetarja më pas u dërgua në burgun Evin pa akuza formale.
Avokati i saj shtoi se sendet personale si telefoni dhe laptopi i saj ishin sekuestruar gjithashtu.
Sipas britanikes “The Guardian”, Hamedi dhe Mohammadi tani akuzohen nga regjimi iranian si agjente të CIA-s, agjencisë së inteligjencës amerikane.
Akuzat përmbahen në një deklaratë të përbashkët të lëshuar nga ministria iraniane e inteligjencës dhe organizata e inteligjencës së Gardës Revolucionare Islamike.
Në dokument, protestat përshkruhen si një operacion i planifikuar i nisur nga CIA, Mossad dhe agjenci të tjera të inteligjencës perëndimore.
Dy gazetaret akuzohen si “burime parësore të lajmeve për mediat e huaja”. Veçanërisht, Hamedi “shtirej si gazetare” dhe, duke u paraqitur si e tillë, “detyroi familjen e Mahsa Amini-t të jepte informacion për vdekjen e vajzës së tyre”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Misteri i miliarderit gjerman që u zhduk në Matterhorn 6 vjet më parë
-
Refuzohet t’i caktohet masa e paraburgimit Akil Gjakovës – ndalohet t’i afrohet bashkëshortes së tij prej 50 metra
-
Ashton, Lajçakut: Keni duruar shumë edhe nga BE-ja edhe nga Ballkani Perëndimor
-
Konjufca: Serbia ishte e vendosur për të shfarosur këdo që ishte shqiptar
Lajmet kryesore
-
Italia, BE dhe SHBA dënojnë dhunën në protestën para Bashkisë së Tiranës
-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët