Gabimet që prindërit bëjnë mund të shkaktojnë probleme te fëmijët

Prindërimi mund të jetë një proces shumë kompleks. Rritja e një fëmije mund të kthehet në një makth nëse gjërat nuk bëhen në mënyrën e duhur.

Shumë herë, prindërit nuk janë të vetëdijshëm për dëmin që po i shkaktojnë mendjes së fëmijës së tyre, duke pretenduar se “çdo gjë është për të mirë”.

Ndërsa disa nga këto gabime janë të kthyeshme dhe mund të rregullohen shpejt, të tjerat mund të jenë gabime që shkaktojnë probleme të përhershme të shëndetit mendor për fëmijën tuaj. Disa nga këto gabime janë:

Promovimi i konkurrencës toksike

Fëmija juaj duhet të jetë më i mirë në shkollë, sesa fëmija i komshiut. Kjo çon në një qasje prindërore mendjengushtë, ku nuk i lini fëmijët tuaj të zgjedhin se çfarë të bëjnë. Kjo mund t’i bëjë ata të humbasin të gjithë besimin për shkak të krahasimit në çdo kohë, të vuajnë nga depresioni dhe ankthi dhe të humbasin çdo interes për pasionet dhe dëshirat e tyre.

Mikromenaxhimi

Kur mikromenaxhoni fëmijët tuaj, kjo nuk lejon që mendësia për zgjidhjen e problemeve të zhvillohet mirë tek ata. Si rezultat, fëmijët bëhen shumë të varur nga prindërit dhe nuk mund të qëndrojnë më vete. Pavarësisht se janë inteligjentë, papjekuria e tyre emocionale bën që të mos arrijnë të zgjidhin siç duhet edhe problemet e vogla në jetë. Mësimi i fëmijëve për t’u mbështetur te vetja është i një rëndësie të madhe.

Ngacmimi

Ndonjëherë prindërit bëhen shumë kontrollues ndaj fëmijëve të tyre. Ata diktojnë të gjitha kushtet dhe nuk u japin atyre asnjë liri për të zgjedhur apo shijuar. Kjo natyrë ngacmuese e prindërve i shtyn ata të ndëshkojnë fëmijët e tyre kur shkelin rregullat dhe në këtë proces fëmijët humbasin të gjithë vetëvlerësimin dhe besimin. Ndjenjat e ankthit fillojnë dhe më pas ndërtimi i besimit dhe intimitetit me të tjerët bëhet një detyrë e vështirë për fëmijë të tillë.

Zhvlerësoni ndjenjat e fëmijës

Komunikimi i mirë me fëmijët tuaj është i rëndësishëm që ata të shprehin ndjenjat e tyre me ju. Por kur e bëjnë këtë, në vend që të përpiqeni t’i zhvlerësoni ato ndjenja duke i kundërshtuar ose duke folur për përvojat tuaja, jini një dëgjues të mirë të tyre. Mundohuni t’i kuptoni.

Neglizhimi i fëmijëve

Ndërsa përfshirja e tepërt është problematike, të qenit i papërfshirë mund të çojë gjithashtu që fëmijët tuaj të shkëputen nga ju në planin afatgjatë. Injorimi i fëmijëve dhe mosshfaqja e vlerësimit të mjaftueshëm për arritjet e tyre mund të çojë në mungesë të vetëbesimit ku ata ndihen si të paarritshëm. Kjo bën që ata gjithmonë të përpiqen të vërtetojnë se janë të denjë për dashurinë dhe vëmendjen tuaj. Neglizhenca emocionale mund t’i bëjë fëmijët që të kenë probleme të shëndetit mendor pasi askush nuk do t’i dëgjojë problemet e tyre dhe t’i bëjë ata të ndihen të dëgjuar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.