Regjimi sirian akuzoi Izraelin për kryerjen e një sulmi ajror në provincën qendrore të Homs-it, hera e dytë në po kaq ditë.
Një zyrtar i paidentifikuar ushtarak sirian, i cituar nga agjencia shtetërore e lajmeve, tha se mbrojtja ajrore rrëzoi shumicën e raketave në sulmin që ndodhi të enjten e 22 korrikut.
Observatori Sirian për të Drejtat e Njeriut me bazë në Britani konfirmoi sulmet, duke theksuar se ato shkatërruan municione dhe depo armësh që i përkisnin Hezbollah-ut në Liban.
Çfarë përfaqëson Hezbollah-u?
Hezbollah është një parti politike myslimane shiite dhe një grup militant pro iranian, me seli në Liban.
Grupi, i mbështetur nga Irani, njihet si kundërshtar i Izraelit që kërkon eliminimin e tij dhe për rezistencën ndaj ndikimit Perëndimor në Lindjen e Mesme.
Hezbollah-u konsiderohet grup terrorist nga Shtetet e Bashkuara, Britania e Madhe, Izraeli dhe Arabia Saudite.
Vendet e Bashkimit Evropian njohin si terroriste vetëm krahun e tij ushtarak dhe pak prej tyre kanë futur në listën e terrorizmit edhe krahun e tij politik.
Së fundmi, edhe qeveria e Kosovës miratoi vendimin me të cilin krahu politik dhe ushtarak i Hezbollah-ut shpallet organizatë terroriste.
Mbështetja e tij për regjimin e Bashar al-Asadit e ka shndërruar Hezbollah-un në një forcë ushtarake gjithnjë e më efektive.
Hezbollah u krijua zyrtarisht në 1985, gjatë luftës civile të Libanit. Lufta shpërtheu në 1975, kur pakënaqësitë për praninë e trupave të armatosur palestineze në vend arriti një pikë vlimi. Hezbollahu mbart meritën e fitores kundër pushtimit izraelit në vitin 2000.
Sipas një marrëveshjeje politike të vitit 1943 dhe një marrëveshjeje në qytetin e Taif-it në Arabinë Saudite në 1989, pushteti politik është i ndarë midis grupeve fetare mbizotëruese të Libanit.
Një mysliman suni shërben si kryeministër, një i krishterë maronit si president dhe një mysliman shiit si kryetar i parlamentit.
Hezbollah e quan veten “lëvizja shiite e rezistencës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vrau me thikë bashkëjetuesen, Apeli lë në burgim të përjetshëm Ramiz Micin
-
Platforma “Mirëqenia psikologjike” dhe lufta për ta hequr stigmën rreth shëndetit mendor – 50% e të rinjve me mirëqenie të ulët psikologjike
-
Pas rreth 8 orësh, Prokuroria Speciale përfundon intervistimin e Martin Berishajt
-
Ecuria e reformës në drejtësi në fokus të takimeve të delegacionit shqiptar të drejtësisë në SHBA
Lajmet kryesore
-
Pas rreth 8 orësh, Prokuroria Speciale përfundon intervistimin e Martin Berishajt
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Ecuria e reformës në drejtësi në fokus të takimeve të delegacionit shqiptar të drejtësisë në SHBA
-
Bislimi – për të përfituar nga fondet e BE’së – pranon të nënshkruajë marrëveshje ndërkufitare me Malin e Zi