SavorEat, firma izraelite e teknologjisë ushqimore, ka prezantuar një sistem hamburgeri me bazë bimore, të personalizuar për çdo klient.
Gjetja e kthen atë në një nga kompanitë e para që përdor teknologjinë e printimit 3D për të gatuar ushqim.
Agjencia e lajmeve, “Reuters”, tregon se hamburgerët vegan nga kompani si Impossible Foods dhe Beyond Meat ngrihen dhe gatuhen më vonë në skarë.
Megjithatë, teknologjia e SavorEat prodhohet në vend nga një printer 3D i pavarur me tre fishekë që përmbajnë vajra dhe përbërës të tjerë.
Kështu që, klientët mund të zgjedhin sa yndyrë dhe proteina duan në çdo hamburger, i cili kërkon rreth gjashtë minuta për t’u përgatitutr.
“Është një përzierje e inovacionit të prodhimit alternativ të mishit dhe prodhimit digjital, ku gjithashtu mund të gatuajmë produktin”, ka zbuluar Racheli Vizman, shefe ekzekutive e SavorEat.
Sipas saj, hamburgerët e firmës janë bërë me një kombinim të proteinave të patates, qiqrave dhe bizeleve.
Në vitet e fundit, kërkesa për alternativa të mishit nga konsumatorët e ndërgjegjshëm për shëndetin dhe mjedisin është rritur.
Ndërkohë, startup-et alternative të proteinave kanë grumbulluar më shumë se tre miliardë dollarë në vitin 2020.
Redefine Meat, një tjetër kompani izraelite ka nisur muajin e kaluar të vendosë alternativa të tëra pa mish në restorantet evropiane.
SavorEat, i financuar kryesisht nga institucionet izraelite, ka deklaruar se produktet e veta do të shërbeheshin fillimisht në një zinxhir lokal hamburgerësh.
Gjithashtu kompania po bashkëpunon me firmën e shërbimit të ushqimit, Yarzin Sela, e cila furnizon kompanitë izraelite të teknologjisë së lartë.
Ndërkaq, do të lidhi një marrëveshje me Sodexo për t’i shërbyer hamburgerët e vet vegan në universitetet amerikane.
“Ekziston një segment në rritje i njerëzve që po përpiqen në mënyrë aktive të kërkojnë alternativa të mishit për të reduktuar konsumin e tyre të mishit”, ka thënë Vizman.
Dhe për këtë ka marrë si shembull rastin e popullsie së Shteteve të Bashkuara të Amerikës që është afro një e treta e saj që ikushton vëmendje këtij aspekti të ushqyerjes.
Oded Shoseyov, kryetar dhe shkencëtar kryesor i SavorEat, ka treguar se firma po punon edhe për një version me bazë bimore të sallamit të mëngjesit për tregun amerikan.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
E ardhmja e Shqipërisë nuk është te njerëzit e përfshirë në korrupsion, thotë Wisner
-
Basha takim me kryesuesen e OSBE-së, në fokus reforma zgjedhore dhe drejtësia
-
Spiunët e dyshuar rusë të arrestuar në Gjermani – Rast “serioz”, shtohen masat e sigurisë
-
Kosova do të përfaqësohet nga Osmani në seancën e radhës së Këshillit të Sigurimit