Finalja e Conference League dhe rekordi unik i Fiorentina-s

Tifozët e Fiorentina-s po festojnë me të drejtë. Lojtarët e udhëhequr nga Vincenzo Italiano kanë kaluar në finalen e UEFA Europa Conference League 33 vjet pas paraqitjes së tyre të fundit në një finale evropiane. Asokohe ata ishin në aktin e fundit të UEFA Cup 1989-90 ku humbën kundër Juventus-it.

Pas humbjes së papritur në “Artemio Franchi” (2-1), në shtëpinë e tyre, rikthimi i klubit viola erdhi në transfertën e Basel-it dhe pas 120 minutave lojë (3-1).

Pra, të shkosh në Pragë për t’u përballur me West Ham-in, do të ndihmojë në heqjen e pluhurit nga fisnikëria evropiane e skuadrës vjollce. E cila, duke parë periudhën nga viti 1990 e deri më sot, kishte humbur tre gjysmëfinalet që kishte arritur, atë të UEFA Cup Winners’ Cup 1996-97, të fituar nga Barcelona e Ronaldo-s, atë të UEFA Cup 2007-08, e cila përfundoi me penallti kundër Rangers dhe në fund ajo e Europa League 2014-15.

Rëndësia historike e këtij suksesi, megjithatë, shkon shumë më tej. Sepse Fiorentina, duke filluar nga ky vit, ka një rekord unik në të gjithë panoramën e futbollit europian. Ajo është e vetmja skuadër që ka marrë pjesë në finalen e të gjitha garavetë mëdha të klubeve të UEFA-s.

Padyshim që po flasim për European Cup/Champions League, UEFA Cup/Europa League, Cup Winners’ Cup të zhdukur tashmë dhe ligën më të re të Conference League, tashmë në edicionin e dytë.

Le t’i vendosim gjërat në rregull. Fiorentina ishte skuadra e parë e Serie A që luajti në finalen e Champions League, në 1957 kundër Real Madrid-it (humbje 0-2). Katër vjet më vonë luajti dhe fitoi finalen e dyfishtë të Cup Winners’ Cup, 0-2 në Glasgow dhe 2-1 në Firence kundër Rangers.

Më në fund, siç u përmend, ata u mundën nga Juve në finalen e UEFA Cup 1989-90, 3-1 në Torino për Juventus-in dhe 0-0 në ndeshjen e kthimit të luajtur në terren neutral në Avellino. Këtyre tre finaleve duhet shtuar edhe ajo e vitit 1962, edhe në Cup Winners’ Cup, 1-1 dhe 0-3 kundër Atletico Madrid.

Dhe tani, sigurisht, përveç Fiorentina-s, 14 ekipe të tjera kanë luajtur në finalen e tre kompeticioneve kryesore të UEFA-s: Ajax, Hamburg, Arsenal, Atletico Madrid, Bayern Munich, Borussia Dortmund, Juventus, Liverpool, Manchester United, Real Madrid, Valencia, Porto, Chelsea dhe Tottenham.

Megjithatë, asnjëri prej tyre nuk ka arritur ende në aktin e fundit të Conference League edhe sepse vetëm Tottenham ka marrë pjesë në të vërtetë në këtë ngjarje.

Siç mund ta keni lexuar, Juventus ishte i vetmi klub në Serie A që ndau këtë rekord me Fiorentina-n. Tashmë ajo është shkëputur nga Viola, të cilët synojnë të mbajnë trofeun e Conference-s në Itali dhe t’i rikthehen fitimit të një trofeu evropian 62 vjet pas herës së fundit.

Trofeu i fundit në kuptimin absolut daton në vitin 2001, fitorja në finalen e Kupës së Italisë kundër Parma-s.

Për Vincenzo Italiano, Kupa e Italisë do të jetë gjithashtu një mundësi. Takimi për finalen kundër Inter-it është caktuar për 24 maj. Domethënë pas pak ditësh, kur festa në Firence dhe tifozët e Violës do të jenë zbehur pak, duke pritur të sfidojnë zikaltrit dhe më pas West Ham-in.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.