Finalet e Carabao Cup dhe FA Cup, që zhvillohen në mitikun “Wembley”, pas një viti e ca, do shohin fansa në ulëset e tyre.
Mbrëmë, u konfirmua që finalja e Carabao Cup, do ketë 8,000 fansa të pranishëm.
Ndeshja luhet më 25 prill, në orën 17:00, mes Manchester City-t dhe Tottenham-it.
Fansa në Angli kishte në disa stadiume edhe gjatë muajit dhjetor, por ato u mbyllën shumë shpejtë për shkak të versionit të ri të Covid-19 që u shfaq në ishull.
Ministria e shëndetësisë në Angli ka konfirmuar që këto dy finale do përdoren si “pilot” për rikthimin final të tifozëve në stadium.
Ndryshe nga finalja e Carabao Cup, FA Cup do ketë së paku 20,000 fansa që do lejohën në “Wembley”.
Anglia mendon që këto dy finale t’i përdor për rikthimin e tubimeve të mëdha këtë verë, në Euro 2020 dhe në Ëimbledon.
Plani është që në gjysmëfinalet dhe finalen e Euro 2020, që zhvillohen në “Wembley”, stadiumi të ketë mundësi që të mbushet, të paktën me gjysëm kapaciteti.
Finalja e FA Cup do luhet më 15 maj.
Fituesit e Manchester City/Chelsea – Southampton/Leicester do përballen në duelin për trofeun.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BERZH i jep Shqipërisë 75 milionë euro kredi për të mbajtur të pastër lumin Vjosa
-
‘Lamtumirë Portugali’, Shqipëria është parajsa e vërtetë për pensionistët evropianë
-
Shumë të shpejta për të ngritur alarmin, raketat hipersonike ruse tani janë vërtet të frikshme
-
Begaj thotë se avancimi i Kosovës për në KiE dëshmon përkushtimin e palëkundur ndaj vlerave evropiane