Fillon takimi në Bruksel: Po përgatitet terreni për një nivelit të lartë thotë Lajçak

Pas fillimit të takimit mes kryenegociatorëve të Kosovës dhe Serbisë në Bruksel, i dërguari Special i Bashkimit Evropian për dialogun Kosovë-Serbi, Miroslav Lajçak, ka thënë se po përgatitet terreni për takimin e ardhshëm të nivelit të lartë.

Diplomati sllovak ka shkruar në Twitter se në agjendë kanë disa tema që do të diskutohen.

“Takimi i sotëm i kryenegociatorëve ndërmjet Kosovës dhe Serbisë është në rrugë të mbarë. Ne kemi një agjendë të plotë të çështjeve aktuale, duke përfshirë targat, zbatimin e marrëveshjeve të kaluara të Dialogut dhe përgatitjen e terrenit për një takim të ardhshëm të nivelit të lartë”, ka shkruar në Twitter Lajçak.

Today’s Chief negotiators’ meeting between Kosovo and Serbia is well under way. We have a full agenda of current issues, including licence plates, implementation of past Dialogue agreements and preparing the ground for a next High-level meeting. pic.twitter.com/MdzJzdRIjI

— Miroslav Lajčák (@MiroslavLajcak) April 21, 2022

Takimi raportohet se ka zgjatur rreth dy orë dhe temat kryesore të diskutuara, përveç çështjes së targave, ishin edhe Asociacioni i Komunave me shumicë serbe dhe çështja e personave të pagjetur, raporton agjencia e lajmeve serbe.

Kryeministri i Kosovës, Albin Kurti, ka thënë se baza e çfarëdo marrëveshjeje për targat duhet të ketë një parim elementar – reciprocitetin.

E ashtu-vetë-quajtura Zyrë “për Kosovën” në Qeverinë e Serbisë, mohon se pas gjashtë muajsh të zgjedhjes së përkohshme për çështjen e targave me ngjitjen e afisheve në simbolet shtetërore, kjo praktikë do të hiqet.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.