Në mesjavë fillon faza e “Play-off”-it në Art Motion Superligën e Kosovës në basketboll, ku zhvillohen sfida e para çerekfinale.
Në takimin e parë do të përballen Peja dhe Bashkimi. Pejanët përfunduan në vendin e tretë me 18 fitore e dhjetë humbje, kurse prizrenasit në vendin e gjashtë me 12 fitore e 16 humbje.
Këto dy skuadra u përballën katër herë në edicionin e rregullt, ku tri herë fituan verdhezinjtë, kurse një herë portokallezinjtë.
Pejanët janë të motivuar pasi fituan Ligën Unike dhe e duan trofeun e dytë, kurse prizrenasit shpresojnë të kualifikohen në gjysmëfinale.
Sfida e dytë është ndërmjet Prizrenit 16 dhe Sigal Prishtinës, që pritet të jetë mjaft interesante. Të dy skuadrat përfunduan garat e rregullta me 15 fitore e 13 humbje.
Në duelet direkte mes tyre, tri herë fituan prizrenasit, ndërsa një herë prishtinasit.
Në gjysmëfinale kualifikohen skuadrat që shënojnë dy fitore.
Golden Eagle Ylli në gjysmëfinale e pret fituesin e ndeshjes Prizreni 16-Sigal Prishtina, kurse Trepça e pret fituesin e ndeshjes Peja-Bashkimi.
Play-off
E mërkurë
20:45 Peja – Bashkimi
E enjte
20:45 Prizreni 16 – Sigal Prishtina
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
DASH zbardh raportin e plotë për Shqipërinë – S’ka progres domethënës, probleme serioze me pavarësinë e gjyqësorit
-
SPAK u komunikon akuzat ish-zyrtarëve të arrestuar të Bashkisë Tiranë
-
Lajçak: Në takimin e fundit u ngushtua diferenca për dinarin – pres propozime shumë konkrete në takimin e radhës