Llogaria zyrtare e Kupës së Botës në Twitter është detyruar të fshijë një postim në lidhje me Lionel Messin, pasi u përball me reagimin e tifozëve të Cristiano Ronaldos.
Pasi frymëzoi Argjentinën në lavdinë e Kupës së Botës, Messi është aktualisht në qendër të vëmendjes pasi shumë tifozë mendojnë se ai tani ka siguruar statusin e tij si më i madhi i të gjitha kohërave.
Debati për GOAT ka vazhduar për vite me radhë pasi Messi dhe Ronaldo e kanë luftuar atë në krye të lojës gjatë karrierës së tyre të shkëlqyer.
Megjithatë, llogaria zyrtare e Kupës së Botës FIFA në Twitter bëri bujë pas ndeshjes finale të dielën.
Ata shkruajtën në Twitter: “Debati për GOAT është zgjidhur. Çmimi përfundimtar tani është pjesë e koleksionit. Trashëgimia është e plotë”.
Përderisa shumë tifozë ranë dakord me atë postim në Twitter, një mori tifozësh të Ronaldo-s shpejtuan të shfaqnin pakënaqësinë e tyre, duke e akuzuar FIFA-n si të njëanshme.
Një llogari e tifozëve të Ronaldos tha: “FIFA e fshiu këtë postim në Twitter pasi u thirr për njëanshmëri dhe reagim të ashpër.
Kujtojmë që Messi e fitoi trofeun e vetëm që i mungonte, Kupën e Botës me Argjentinën, derisa Ronaldo-s i mungon vetëm ky sukses.
Përveç që triumfoi në Katar me kombëtaren e tij, Messi u shpall edhe lojtari më i mirë i turneut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama i përgjigjet sërish Rai-t: Mos bini pre e gabimit të parë, mbylleni këtë faqe jo të lavdishme
-
Raporti i Amnesty International për Kosovën: Reagimi i shtetit ndaj dhunës në familje është i pamjaftueshëm
-
Basha akuzon Metën: Ke qenë nxitësi kryesor i djegies së mandateve, solle Ramën në pushtet
-
Raporti i “Freedom House”: Korrupsioni çështje serioze shqetësuese në Kosovë