Mes festivalesh më të mira dhe me më së shumti vizitorë, patjetër që është “Sunny Hill”, në krye të së cilit qëndron, Dukagjin Lipa, babi i yllit ndërkombëtar të muzikës pop, Dua Lipa.
I mbajtur për herë të parë në vitin 2016, duke vazhduar për katër vjet radhazi, festivali “Sunny Hill” nuk është realizuar në vitin 2020 për shkak të pandemisë me Coronavirus.
Në katër edicionet e tij, festivali ishte zhvilluar me lokacion në Parkun e Gërmisë në Prishtinë, me një kapacitet prej 20 mijë pjesëmarrësish.
Por, gjërat duken të kenë ndryshuar sepse nga tash e tutje, “Sunny Hill”, do të organizohet në një lokacion të ri në dalje të kryeqytetit kosovar.
Saktësisht, ky festival tash e tutje pritet të mbahet në zonën afër panaireve në Shkabaj, ku do të investohen gjysmë milioni euro për mbjellje drunjësh dhe ndërtimin e një liqeni artificial.
Kuvendi Komunal i Prishtinës, ka votuar pro kësaj ideje duke e dhënë dritën jeshile për vazhdimin e projektit dhe zhvendosjen e “Sunny Hill” nga Parku i Gërmisë për në Shkabaj.
Gjërat janë konfirmuar nga vetë organizatori i festivalit, Dukagjin Lipa, i cili ka njoftuar të rejat rreth festivalit përmes një publikimi në llogarinë e tij zyrtare të Instagram-it.
“Ky ishte fillimi i udhëtimit tonë në vitin 2016. Pas një pritje të gjatë Sunny Hill Festival merr adresën e tij të përhershme. Faleminderit Komuna e Prishtinës, Shpend Ahmeti, Xil Ismaili për mbështetjen tuaj të palodhur, dhe gjithë Kuvendin e Prishtinës që votuan unanimisht në favor të festivalit tonë. Udhëtimi ynë fillon përsëri”, mbishkroi ai.
Ndryshe, “Sunny Hill” ka sjellë emrat më të mëdhenj të muzikës botërore, përfshirë, Miley Cyrus, Calvin Harris, Gashi, Njomza, Action Bronson e Martin Garrix.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nëna e Beyonce thotë se “Zendaya ia kujton të bijën”
-
Taylor Swift, pos “The Tortured Poets Department”, publikon edhe një album surprizë
-
Quentin Tarantino heq dorë nga “The Movie Critic”, supozohej të ishte filmi i fundit i tij
-
Lana Del Rey kritikon ish-menaxherin e saj të turneut që u dorëhoq “pa arsye” pas 15 vjetësh, një muaj para performancës së saj në “Coachella”
Lajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Italia, BE dhe SHBA dënojnë dhunën në protestën para Bashkisë së Tiranës
-
Çmimi i naftës rritet pas goditjes raketore të Izraelit ndaj Iranit
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët