Cristiano Ronaldo thuhet se është përjashtuar për dy ndeshje dhe është dënuar me 50 mijë funte gjobë nga Federata e Futbollit të Anglisë.
Ky dënim erdhi për CR7 pasi kishte hedhur në tokë celularin e një tifozi të mitur.
Në prill, lojtari i atëhershëm i Mançester United u akuzua për “sjellje të pahijshme dhe të dhunshme” pasi ai u shfaq duke e gjuajtur telefonin e një tifozi në tokë pas ndeshjes së skuadrës së tij kundër Everton-it në “Goodison Park”.
Siç raporton “The Mirror”, FA do të shpallë dënimin e Ronaldo-s gjatë ditës së mërkure, ndërsa do të japë një shpjegim të plotë me shkrim për sanksionimin e 37-vjeçarit.
Ndalimi do të thotë që nëse Ronaldo nënshkruan për një klub tjetër në Premier League, ai nuk do t’i luajë dy ndeshjet e para.
Të martën në mbrëmje, u konfirmua se Ronaldo dhe United kanë rënë dakord reciprokisht për të ndërprerë kontratën e pesë herë fituesit të Topit të Artë pas intervistës së tij shpërthyese me Piers Morgan.
Gjatë intervistës, Ronaldo sulmoi klubin, ish-menaxherin, Ralf Rangnick, trajnerin aktual, Erik ten Hag dhe gjithashtu sulmoi ish-bashkëlojtarët Ëayne Rooney dhe Gary Neville.
Cristiano Ronaldo is to leave Manchester United by mutual agreement, with immediate effect.
The club thanks him for his immense contribution across two spells at Old Trafford.#MUFC
— Manchester United (@ManUtd) November 22, 2022
Në një deklaratë nga United thuhej: “Cristiano Ronaldo do të largohet nga Manchester United me marrëveshje të përbashkët, me efekt të menjëhershëm”.
“Klubi e falënderon atë për kontributin e tij të jashtëzakonshëm në dy periudha në ‘Old Trafford’, duke shënuar 145 gola në 346 paraqitje dhe i uron atij dhe familjes së tij mirë për të ardhmen”.
“Të gjithë në Manchester United mbeten të përqendruar në vazhdimin e përparimit të ekipit nën drejtimin e Erik ten Hag dhe të punojnë së bashku për të dhënë sukses në fushë”, thuhet mes tjerash ne deklaratën e klubit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com